அன்பான வாசகர்களுக்கு இந்த வலைத்தளத்தில் ஒன்று அல்லது இரண்டு செய்திகள் மட்டும் வருகிறதா தாங்கள் பழைய இடுக்கைக்கு சென்று செய்திகள் பார்க்கவும்..... ...

24-8-15

பெண்களுக்கும் ஓட்டுரிமையை வழங்கியது சவுதி அரசு.!


சவுதியில் முதல் முறையாக பெண்களுக்கு ஓட்டுரிமையும் வாக்காளர்களையும் அனுமதித்தது.

பெண்களுக்கான அடிப்படை உரிமைகள் கூட மறுக்கப்பட்டு வந்த சவுதி அரேபியாவில், முதன் முறையாக, நகராட்சி தேர்தலில், பெண்கள் போட்டியிடவும், ஓட்டளிக்கவும் அனுமதிக்கப்பட்டு உள்ளனர்.

இதையடுத்து, வருகிற டிசம்பர் 12-ம் தேதி, நடைபெறவுள்ள சவுதியின் மூன்றாவது நகராட்சி தேர்தலில், முதல் முறையாக பெண்களும் பங்களிக்க உள்ளனர். 

இதற்காக, மெக்கா மற்றும் மதினாவில், பெண் வாக்காளர் விவரங்களை பதிவு செய்யும் பணி, கடந்த வாரம் தொடங்கியது. 

இந்நகரங்களில், முதன் முதலாக, பெண் வாக்காளர்களாக, சபினாஸ் அபு அல்-ஷாமத் மற்றும் ஜமால் அல்-சாதி ஆகியோர் பதிவு செய்து கொண்டனர்.

சவுதி அரசின் இந்த முடிவை பெண்கள் அமைப்பினரும் சமூக ஆர்வலர்களும் வெகுவாக பாராட்டியுள்ளனர்.

கூட்டம் கூட்டமாய் இஸ்லாத்தில் இணையும் பிலிப்பைன்ஸ் நாட்டவர்.!


பிலிப்பைன்ஸ் நாட்டவர்களை இஸ்லாம் அதிவேகமாக கவர்ந்து வருகிறது

சில தினங்களுக்கு முன்பு சவுதி அரேபியாவின் ஜித்த நகரில் அமைந்துள்ள பிலிப்பைன்ஸ் அழைப்பு மையத்த்தின் சார்பில் மாற்று மத நண்பர்களை சந்தித்து இஸ்லாத்தை விளக்கும் ஒரு நிகழ்ச்சி நடத்த பட்டது

இந்த நிகழ்ச்சியில் பல பிலிப்பைன்ஸ் நாட்டை சார்ந்த முஸ்லிம் அல்லாதோருக்கு இஸ்லாத்தை பற்றி சிறு விளக்கம் கொடுக்க பட்டது

அநத விளக்கத்தின் பலனாய் 23 இளைஞர்கள் இஸ்லாத்தில் இணைந்தனர் அந்த அழகான காட்சிக்கு சாட்சியாய் நிர்க்கும் புகைபடம் இதோ

இஸ்லாத்தை ஏற்ற இந்த சகோதரர்களின் இறைநம்பிக்கை இறைவன் உறுதி படுத்துவானாக

துபாயில் கோவில் கட்டுவதற்க்காக பூமி பூஜை என்ற செய்தி உண்மைக்கு புறம்பான செய்தி.!


இந்திய பிரதமர் மோடி அவர்கள் துபை வந்திருந்தபோது ஏற்கனவே காங்கிரஸ் ஆட்சியில் அபுதாபியில் கோவில் கட்டுவதற்க்காக அனுமதி அளிக்கப்பட்ட 

பேப்பரை மோடி அவர்கள் தூசு தட்டி எடுத்து அது தான் கொண்டுவந்ததற்க்கான ஆதாரமாக வெளியிட்ட செய்தி அதற்க்கு மறுப்பு தெரிவித்து காங்கிரஸ் ஆட்சியில் நடந்தேரி உண்மை சம்பவத்தை முகநூலில் தோலுரித்து காட்டியது அனைவரும் அறிந்ததே.

அதன் தொடர்ச்சியாக மேல உள்ள படம் துபாயில் கோவில் கட்டுவதற்க்கா சாமி பூஜை போடபட்டது என்ற செய்தி முகநூலில் பட்டய கலப்பிக்கொண்டிருக்கின்றது. 

 அதன் உண்மை நிலவரம் என்னவென்றால் முகநூலில் நண்பர் ஒருவர் ஆதரங்களுடன் வெளியிட்ட செய்தி இதோ உங்களுக்காக.!

இது பகரைனில் நடந்தது படத்தில் இருப்பவர்கள் பகைரைன் நாட்டின் ஷேக் மார்களே! நண்பர்களே அதாவது ஷியா செக்குமாடுகள் தவறுதலாக சிலர் துபாய் என்று சொல்லி .

போஸ்ட் போடுகின்றனர் ..துபாயில் ஹிந்து கோயில் கட்டுவதற்க்கான அனுமதி அளிக்க பட்ட பிறகு இதனை சிலர் பதிவேற்றி துபாயில் பூமி பூஜை என்று இட்டு இருந்தனர் இருந்த போதும் ..

துபாயில் இந்து கோயில் இருப்பது உண்மையே. ஆனால் இது பகரைனில் நடந்த பழைய செய்தியே (10/09/2013) செய்தியின் உண்மை நிலை

http://www.bna.bh/portal/en/news/578863

வழக்கறிஞராக மாறி வாதிட்டு வெற்றி பெற்ற டீக்கடைக்காரர்.!


டீ விற்றவர் பிரதமர் ஆன கதை அனைவரும் அறிந்ததே. போபாலை சார்ந்த ராஜேஷ் சக்ரே எனும் டீ விற்பவர் வழக்கறிஞராக மாறியுள்ளார்.

கடந்த 2011ஆம் ஆண்டு டிசம்பர் 23ஆம் தேதி அன்று ராஜேஷ் சக்ரே தனது எஸ்.பி.ஐ. வங்கியின் கணக்கில் இருந்து ரூ.10,800 எடுத்திருக்கிறார்.

 மீதி ரூ.9,200 இருந்திருக்கிறது. ஆனால், அடுத்த நாள் தனது வங்கி கணக்கில் ஒரு ரூபாய் கூட இல்லாமல் போனதை பார்த்த ராஜேஷ் சக்ரேக்கு பேரதிர்ச்சி.

இது குறித்து வங்கி அலுவலர்களிடம் புகார் தெரிவித்து இருக்கிறார். அவர்கள் சரியாக பதிலளிக்கவில்லை.

 மேலும், அவரே கவனக்குறைவாக இருந்ததாக வங்கி பதில் குற்றச்சாட்டு வைத்தது. 
இதையடுத்து, மும்பையில் உள்ள ஸ்டேட் பாங்க் ஆஃப் இந்தியா தலைமை அலுவலத்தில் ராஜேஷ் முறையிட்டார். அங்கும் அவருக்கு தீர்வு கிடைக்கவில்லை.

இறுதியாக, மாவட்ட நுகர்வோர் வழக்கு தீர்க்கும் மையத்தில் புகார் செய்தார். அங்கேயும் வங்கி ராஜேஷின் பெயரிலேயே குற்றம் இருப்பதாக வாதிட்டது.

 இதனால், ஆத்திரமடைந்த ஐந்தாவது படித்த டீக்கடைக்காரரான ராஜேஷ், வழக்கறிஞர் போல் மாறினார். நீதிமன்றத்தில் வழக்கு பதிவு செய்து தானே வாதாடினார்.

ஸ்டேட் பாங்க் தனது சார்பில் திறமையான வழக்கறிஞர்களை வைத்து வாதாடி வந்தது. ஆனால், அவர்களுக்கெல்லாம் பதிலடி கொடுத்து ராஜேஷ் சக்ரே, தனது உரிமைகளுக்காக தொடர்ந்து போராடினார்.

அதற்கான வெற்றி தற்போது கிடைத்திருக்கிறது. இந்த வருடம் ஜூன் மாதம் 16ஆம் தேதி இந்த வழக்கில் ராஜேஷுக்கு ஆதரவாக நீதிமன்றம் தீர்ப்பு வழங்கியது. 

இந்த வாரம் எஸ்.பி.ஐ. வங்கி 6% வட்டியுடன் அந்த 9200 ரூபாயை திருப்பி அளித்தது. அது மட்டுமல்லாமல் அவரை கஷ்டப்படுத்தியதற்கு நிவாரணமாக 10,000 ரூபாயும், வழக்கின் செலவிற்காக 2000 ரூபாயும் வழங்கியது.

தனி ஒரு மனிதன் நினைத்தால்கூட
மிகப்பெரிய மாற்றங்களை கொண்டு வர முடியும்!
என்பதற்கு இதுவே சிறந்த எடுத்துக்காட்டு.

-கிருத்திகா மாடசாமி-
விகடன் செய்திகள் (23/08/2015)

இந்த வருட ஹஜ்ஜில் ஒட்டகம் அறுப்பது தடை செய்யப்படுகிறது.!


மெர்ஸ்’ நோய் குறிப்பாக ஒட்டகத்தின் மூலம் மனிதனுக்கு பரவுவதால் அந்த நோயைக் கட்டுப்படுத்தும் முகமாக இந்த வருடம் ஒட்டகம் ஹஜ் கிரியைகளில் அறுப்பதை சவுதி அரசு தடை செய்துள்ளது.

அது தவிர்த்து ஆடு:, மாடு, போன்றவற்றை அறுத்து ஏழைகளுக்கு உணவாக அளிக்கலாம்.

 மெர்ஸ் நோயின் தாக்கம் குறைந்தவுடன் வழக்கமாக ஒட்டகமும் சேர்த்துக் கொள்ளப்படும் என்று ஹஜ் கிரியைகளுக்கான அமைச்சகம் அறிவித்துள்ளது. 

இள வயது ஒட்டகத்திலிருந்து இந்த நோய் மனிதனுக்கு உடன் தொற்றிக் கொள்கிறது.

கடந்த இரண்டு தினங்களில் இரண்டு பேர் இந்நோயால் இறந்துள்ளனர். 15 பேருக்கு இந்நோய் தாக்கியுள்ளதாக கண்டறியப்பட்டுள்ளது.

எனவே தமிழகத்திலிருந்து ஹஜ்ஜூக்கு வருபவர்கள் முறையாக தடுப்பூசிகளை போட்டுக் கொண்டு உடன் வரும் மருத்துவர்களளின் அறிவுரைப்படி நடந்து கொள்ள அறிவுறுத்தப்டுகிறார்கள்.

துபாய் ஈமான் அமைப்பில் தேசம் மறந்த ஆளுமைகள் நூல் வெளியீடு.!


துபாய் ஈமான் கலாச்சார மையத்தின் சார்பில் ராபியா குமாரன் எழுதிய ‘தேசம் மறந்த ஆளுமைகள்’ என்ற நூல் வெளியீட்டு விழா நடந்தது.

ஈமான் அமைப்பின் பொதுச்செயலாளர் குத்தாலம் அல்ஹாஜ் ஏ லியாக்கத் அலி வெளியிட முதல் பிரதியை துணைப் பொதுச்செயலாளர் ஏ. முஹம்மது தாஹா பெற்றுக் கொண்டார். 

அப்போது பேசிய லியாக்கத் அலி ராபியா குமாரன் இந்திய விடுதலைக்கு பாடுபட்டு மறக்கப்பட்ட மாவீரர்கள் பற்றிய தகவலை தொகுத்து இளம் தலைமுறைக்கு வழங்கியுள்ளார். அவரின் சேவைகள் பாராட்டுக்குரியது எனக் குறிப்பிட்டார்.

விழாவில் ஈமான் அமைப்பின் நிர்வாகிகள், செயற்குழு உறுப்பினர்கள் உள்ளிட்ட பலர் பங்கேற்றனர்.

பத்தாம் வகுப்பு பிளஸ் 2 பொது தேர்வு எழுதும் மாணவர்களுக்கு ரேஷன் அட்டை கட்டாயம்: கல்விதுறை அதிரடி.!


பத்தாம் வகுப்பு மற்றும் பிளஸ் 2 தேர்வு எழுத உள்ள மாணவர்கள் ரேஷன் அட்டை நகல்களை பள்ளியில் சமர்ப்பிக்க வேண்டும் என்று பள்ளி கல்வித் துறை உத்தரவிட்டுள்ளது.

 பத்தாம் வகுப்பு மற்றும் பிளஸ் 2 வகுப்பு மாணவர்களுக்கான பொதுத் தேர்வு மார்ச் 2016ல் தொடங்க உள்ளது. இதையடுத்து, தமிழகம், புதுச்சேரியில் பள்ளிகள் மூலம் தேர்வு எழுத உள்ள மாணவர்களின் பட்டியல் தயாரிக்கும் பணியில் தேர்வுத்துறை ஈடுபட்டுள்ளது.

 தேர்வு எழுத உள்ள மாணவர்களுக்கான சான்றுகள் தயாரிக்கும்போது அதில் எந்த குழப்பமும் ஏற்படாமல் இருக்க பெயர், பிறந்த தேதி, பெற்றோர் பெயர், சாதி உள்ளிட்ட விவரங்கள் சேகரிக்கப்படுகின்றன. 

இதற்கான படிவங்கள் பள்ளிகளில் வழங்கப்பட்டு அதை பெற்றோரே நேரில் வந்து பூர்த்தி செய்து கொடுக்க வேண்டும். மேலும், தேர்வு எழுத உள்ள மாணவரின் பெயர் ரேஷன் அட்டையில் இடம் பெற்றிருந்தால் அதையும் கொண்டு வர வேண்டும் என்று பள்ளி நிர்வாகங்கள் தெரிவித்துள்ளன.

இது குறித்து பள்ளி கல்வித் துறை அதிகாரிகள் கூறியதாவது, தமிழகம் முழுவதும், பள்ளிகளில் தேர்வு எழுதும் மாணவர்களின் பெயர் பட்டியல்கள் தயாரிக்கும் பணி தொடங்கியுள்ளது. 

ரேஷன் அட்டை கொண்டு வந்து அதன் நகல் சமர்ப்பிக்க வேண்டும். பின்னர், ரேஷன் அட்டையின் எண்ணை கணினியில் பதிவு செய்து கொள்ளுவார்கள். 

அத்துடன் மாணவரின் தேர்வு விவரங்களும் அதில் பதிவு செய்யப்படும். அப்படி செய்த பிறகு தேர்வு முடிவுகள் வெளியான ஒரு வாரத்தில் ஆன்லைன் மூலம் அந்தந்த மாணவர்களின் ரேஷன் எண்களை ஆன்லைன் மூலம் வருவாய் துறைக்கு அனுப்பி சாதிச் சான்று, வருவாய் சான்று, இருப்பிட சான்று ஆகியவற்றை பள்ளிகளே பெற்றுத் தரும்.

தவிரவும், பொதுத் தேர்வுக்கு பிறகு அதே ரேஷன் அட்டை எண்ணைப் பயன்படுத்தி அந்த மாணவர்களுக்கு வேலை வாய்ப்பு பதிவையும் பள்ளிகளில் செய்து கொடுப்பார்கள் என்றனர். இது குறித்து பெற்றோர் சிலர் கூறியதாவது, ‘ சில பெற்றோரிடம் ரேஷன் கார்ட் இல்லை. சில இடங்களில் ரேஷன் அட்டையில் மாணவர்களின் பெயர்கள் இடம் பெறவில்லை. 

எனவே, எந்த அடிப்படையில் ரேஷன் கார்டை தேர்வுக்கு செல்லும் மாணவர்கள் சமர்ப்பிக்க வேண்டும் என்று கோருகின்றனர் என தெரியவில்லை என்றனர். இது குறித்து அரசுப் பள்ளி தலைமை ஆசிரியர்கள் கூறியதாவது:

ரேஷன் அட்டையின் நகல்களை இப்போது வாங்கி வைத்துக் கொள்வோம். தேர்வுக்கு பிறகு ஆன்லைனில் ரேஷன் எண்ணை கணினியில் பதிவு செய்து மாணவர்களுக்கான வேலை வாய்ப்பு பதிவு செய்வோம். இதனால் பல நன்மைகள் உள்ளன.

குறிப்பாக, தமிழக எல்லையோரங்களில் இருக்கும் அண்மை மாநில மாணவர்கள் தமிழகத்தில் படித்து அவர்களின் ரேஷன் அட்டைகள் வேறு மாநிலத்தில் இருந்தால் அந்த வகை மாணவர்கள் தமிழகத்தில்வேலை வாய்ப்பு பதிவு செய்ய முடியாது. 

வெளி மாநிலத்தில் அந்த மாணவர்கள் பிற்படுத்தப்பட்டோர் பட்டியலில் இருந்தால் தமிழகத்தில் அவர்களுக்கு மற்ற பிரிவினர் என்றுதான் சான்று தருவார்கள். 

ஆனால் எஸ்சி, எஸ்டி மாணவர்களுக்கு அதே பிரிவிலேயே வழங்குவார்கள். எனவே ரேஷன் அட்டை முக்கியமாக வேண்டும். இவ்வாறு தலைமை ஆசிரியர்கள் தெரிவித்தனர்.

விமானப் பணிப்பெண்ணின் முகத்தில் குத்துவிட்ட பயணி.!


சொகுசு கிடைக்காததால் விமானப் பணிப்பெண்ணுக்கு குத்துவிட்டவர் சீட்டோடு கட்டிவைத்து போலீசாரிடன் ஒப்படைப்பு

விமான இருக்கையில் நீட்டி, சாய்ந்துப் படுக்க வசதியில்லை என்று தகராறு செய்ததுடன், விமானப் பணிப்பெண்ணின் முகத்தில் குத்துவிட்ட

 பயணியை மடக்கிப் பிடித்த சகப்பயணி மற்றும் பணியாளர்கள் அவரை இருக்கையோடு சேர்த்து, கட்டிவைத்து போலீசாரிடம் ஒப்படைத்தனர்.

துபாயில் இருந்து ஆஸ்திரேலியாவின் மெல்போர்ன் நகருக்குச் சென்று கொண்டிருந்த எமிரேட்ஸ் விமானத்தில் வந்த ஒரு பயணி, தனது இருக்கையை பின்நோக்கி சாய்த்து, சொகுசாக படுத்தபடி பயணிக்க நினைத்து, அவ்வாறு செய்ய முயன்றார்.

இது, பின்இருக்கையில் அமர்ந்திருந்த பயணிக்கு அசவுகரியத்தை ஏற்படுத்தவே, இது தொடர்பாக அவர் விமானப் பணிப்பெண்ணிடம் முறையிட்டார். 

உடனடியாக, முன்இருக்கையில் அமர்ந்திருந்த பயணியிடம் சென்ற பணிப்பெண், மற்றவர்களுக்கு தொந்தரவு தராத வகையில் உங்கள் இருக்கையில் சாய்ந்து, ஓய்வெடுங்கள் என்று அவரிடம் அன்பாக கூறினார்.

செவித்திறன் குறைவால் (கேட்கும் திறன்) பாதிக்கப்பட்டிருந்த அந்த நபர்,

பணிப்பெண் கூறுவதை சரியாக புரிந்துக் கொள்ளாமல் அவருடன் வாக்குவாதத்தில் ஈடுபட்டார். சற்றும் எதிர்பாராத நிலையில், அவருக்கு விளக்கம் அளித்துக் கொண்டிருந்த பணிப்பெண்ணின் முகத்தில் அந்தப் பயணி ஓங்கி ஒரு குத்துவிட்டார்.

இதனால், நிலைகுலைந்த பணிப்பெண், தலை கிறுகிறுத்து கீழே சாய்ந்தார். இதைக் கண்டு பதறிப்போன பயணிகளில் ஒருவர், அடித்த நபரை மடக்கிப் பிடித்தார். விபரம் அறிந்து ஓடிவந்த சக விமானப் பணியாளர்கள் ஒன்றாக சேர்ந்து அந்நபரின் கை, கால்களை ஒரு கேபிளால் இணைத்துக் கட்டினர்.

அவரை குண்டுக்கட்டாக தூக்கிச் சென்று இருக்கையில் அமர்த்தி, சீட் பெல்ட்டால் இறுகக் கட்டினர். அதில் இருந்து விடுபட்டு வருவதற்காக திமிறிக் கொண்டிருந்த அவரது நிலையைக் கண்டு, மேலும் ஒரு சீட் பெல்ட்டால் அவரை அசைய விடாமல் கட்டி வைத்தனர்.

பயணியாக வந்து விமானத்தில் ஏறி, அடாவடிச் செயலால் பிணைக்கைதியாக மாறிப்போன அவரை அந்த விமானம் ஆஸ்திரேலியாவின் மெல்போர்ன் நகரில் தரையிறங்கியதும் விமானப் பணியாளர்கள் போலீசாரிடம் ஒப்படைத்தனர்.

22-8-15

வெளிநாட்டு வேலைக்கு செல்கிறீர்களா…? ஜாக்கிரதை!


பையன் என்ன பண்றாரு…?

‘பயணத்துல இருக்காரு’

– என வெளிநாட்டு வேலையை பற்றி பெருமையாக சொல்ல கேட்கிறோம் .

இன்னும் பலர் ‘camp -dubai’ என்று போட்டு மாப்பிள்ளையின் வேலை பற்றி திருமண அழைப்பிதழில் பெருமையாகப் போடுவதை காணலாம்.

இப்படிப்பட்ட வெளிநாட்டு வேலைக்காக, படிப்புக்காக ஆயிரக்கணக்கான இந்திய இளைஞர்கள் ஒவ்வோர் ஆண்டும் வெளிநாடுகளுக்குச் செல்கின்றனர்.

‘சொல்வது ஒன்று, செய்வது ஒன்று’ – பொதுவாக அரசியல்வாதிகளுக்குத்தான் இந்த கூற்று பொருத்தமாக இருந்தது. இப்போது வெளிநாட்டு நிறுவனங்களுக்கும் பொருந்தி வருகிறது. 

வேலைக்கு சேர்க்கும்போது தருவதாக கூறும் சம்பளம், சலுகைகள் எதுவும் தராமல் கொடுமைப்படுத்துவதும், ‘பார்த்தவரைக்கும் போதும்… 

இந்த வேலையே வேண்டாம்!’ என தொழிலாளர்கள் தலைதெறிக்க தாயகம் திரும்புவதும் இப்போதெல்லாம் அதிகரித்துள்ளது.

வெளிநாட்டு வேலைக்காக வீடு, நிலத்தை விற்றும், கடன் வாங்கியும் பணம் சேர்த்தவர்கள், இறுதியாக அந்த பணத்தை சம்பாதிப்பதற்காகவாவது உழைப்போம் என தயாராகிவிடுகிறார்கள். 

அவர்கள் ஊருக்கு திரும்பியவுடன், இதைப்போல் ஏமாற்றி அடுத்த செட் தொழிலாளர்களை வேலைக்கு சேர்க்கின்றன மோசடி நிறுவனங்கள். ஏமாற்றுவதும், ஏமாறுவதும் தொடர்கின்றன.

வேலை தேடிச் செல்பவர்கள், இதேபோல் அங்குள்ள நிறுவனங்களின் தரத்தினை தெரிந்துகொண்டுதான் செல்கின்றனரா என்றால் இல்லை. 

படித்து முடித்தவுடன், எந்தவித முன் அனுபவமும் இல்லாமல் வெளிநாடு செல்வோரின் வேலைவாய்ப்புகள் கேள்விக்குறியாக ஆகிவிடுகின்றன. 

பொறியியல் போன்ற மேல் படிப்பு படித்தவர்களுக்கு பெரும்பாலும் இந்த பிரச்னை இல்லை. குறைந்த அளவிலான கல்வித் தகுதியை அடிப்படையாகக் கொண்டு தையல், கட்டுமானம், மீன் பிடித்தல், தோட்டத் தொழில், தொழிற்சாலைகள் உள்ளிட்ட வேலைவாய்ப்புகளுக்காக வெளிநாடுகளுக்கு அழைத்துச் செல்லப்படுவோரின் நிலைமை பரிதாபத்துக்குரியது.

அதிக ஊதியம் வழங்குவதாக ஆசைவார்த்தை கூறி இங்கிருந்து அழைத்துச் செல்லப்படும் தொழிலாளர்கள், அங்கு கொத்தடிமைகளாகவும், வேறு பணிகளிலும் ஈடுபடுத்தப்படுவதன் மூலம் படும் இன்னல்கள் அவ்வப்போது பத்திரிகைகளில் செய்திகளாக வெளிவந்தாலும், இதுபோன்ற பல்வேறு சம்பவங்கள் வெளி உலகுக்கு தெரியாமலே போய்விடுகின்றன.

“இந்தியாவிலேயே ஏராளமான வேலைவாய்ப்புகளும், வியாபார வாய்ப்புகளும் உருவாகி வருகின்றன. வெளிநாட்டு வேலை மோகத்தை ஒழித்துவிட்டு இங்கேயே வேலை, வியாபாரம் செய்தாலும் வாழ்வில் உயரலாம்” என்று சிலர் சொல்லி கொண்டுதான் இருக்கின்றனர். ஆனால் வெளிநாடு செல்பவர் அதிகம் சென்று கொண்டுதான் இருக்கின்றனர்.

இவ்வளவு சிக்கலை கேட்டும், மக்களிடம் வெளிநாட்டு மோகம் இன்னும் உள்ளதால் வெளிநாட்டில் வேலையை நாடுபவர்கள், முதலில் எந்தெந்த நாடுகளில் என்னென்ன வேலை வாய்ப்புகள் சாத்தியப்படும் என்பது குறித்து அறிய வேண்டும். பொதுவாக துபாய், ஓமன், அபுதாபி போன்ற கல்ஃப் நாடுகளில் எப்போதும் கட்டட வேலை நடந்துகொண்டே இருக்கும். அதனால் கட்டடத் கூலித் தொழிலாளர்கள், எலெக்ட்ரீஷியன்கள், பொறியாளர்களுக்கு அங்கே தேவை அதிகம்.

மலேஷியா, சிங்கப்பூரில் ரப்பர் தோட்டங்கள் அதிக அளவில் இருப்பதால், அங்கு தோட்டத் தொழிலாளர் களுக்கு அதிக தேவை இருக்கிறது. அமெரிக்கா, கனடா மற்றும் ஆஸ்திரேலியாவில் சாஃப்ட்வேர் துறை யினருக்கு நல்ல வாய்ப்பு இருக்கிறது. கேட்டரிங், ஹோட்டல் மேனேஜ்மென்ட் மற்றும் ஹாஸ்பிட்டாலிட்டி துறையில் அனுபவம் வாய்ந்தவர்களுக்கு, எல்லா நாடுகளிலும் வேலை வாய்ப்பு காத்திருக்கிறது.

வெளிநாடு செல்ல நினைப்போர் செய்ய வேண்டியது என்ன…

மத்திய அரசின் வெளி விவகாரத்துறை அமைச்சகத்தின் கீழ் உரிமம் பெற்ற ஏஜென்சிகளே, வெளிநாட்டுக்குப் பணியாட்களை அனுப்பும் தகுதி பெற்றவையாகின்றன. ஒருவேளை நீங்கள் வெளிநாட்டு வேலைக்கு ஏதாவது ஒரு ஏஜென்ஸியை அணுகும்பொருட்டு, அவர்களிடம் அரசாங்கத்தின் லைசென்ஸ் எண்ணைக் கேட்டு, அதை அயல்நாட்டு வேலை வாய்ப்பு அமைச்சகத்தின் வெப்சைட்டில் பரிசோதித்துக் கொள்ளுங்கள் (www.moia.gov.in).

பின் அந்த ஏஜென்சிக்கு அரசாங்கத்திடமிருந்து கிடைக்கப் பெற்றிருக்கும் ஆட்கள், தேவைக்கான டிமாண்ட் லெட்டரில் அளிக்கப்பட்டிருக்கும் வேலை விவரம், சம்பளம், விடுமுறை நாட்கள், விதிமுறைகள் என அனைத்தையும் அந்த லெட்டரை கேட்டுப் பெற்று, தெரிந்துகொள்ளுங்கள். அந்த டிமாண்ட் லெட்டரில் வேலை வழங்கும் நிறுவனம், அந்த நாட்டில் பெற்ற லைசென்ஸ் எண் குறிப்பிடப்பட்டிருக்கும்.

அதன் மூலம் அந்த நிறுவனத்தின் நம்பகத்தன்மையை அறிந்து கொள்ளலாம். வேலைக்கு ஆள் எடுக்க, சம்பந்தப்பட்ட கம்பெனி, தன் நாட்டு அரசாங்கத்திடம் இருந்து ‘நோ அப்ஜெக்ஷன்’ லெட்டர் வாங்கியிருக்க வேண்டும். இல்லாவிட்டால் வேலை பார்ப்பவர், நிறுவனம் இருவருக்கும் அது சிக்கல்களைத் தரும்.

சிரியாவில் நடை பெற்ற பச்சிழம் குழந்தைகளின் படுகொலைக்கு எதிராக மக்காவில் நடைபற்ற ஜீம்ஆவில் பிரத்தியோகமாக பிரார்த்தனை செய்ய பட்டது நாமும் அந்த மக்களின் அமைதிக்காக பிரார்த்திப்போம்.!



சிரியாவில் உள்நாட்டு போர் நடை பெற்று வருவது யாவரும் அறிந்ததே 

இந்த போரில் சில தினங்களுக்கு முன்பு சிரியாவை ஆளும் பஷார் என்பவன் நுற்றுக்கணக்கான பச்சிழம் குழந்தைகளை படு கொலை செய்திருப்பது இஸ்லாமிய உலகில் கடும் அதிவர்லைகளை எழுப்பியிருக்கிறது 

மக்காவில் நடை பெற்ற ஜீம்ஆ உரையில் பஷாரின் இந்த கொடுஞ் செயலுக்கு கடுமையான கண்டனங்கள் பதிவு செய்ய பட்டு சிரியாவின் கொடுங்கோல் ஆட்சியாளர்களுக்கு எதிராக இறைவனிடம் இரு கரம் ஏந்தி பிரார்தனை செய்ய பட்டது 

இறைவா இந்து முஸ்லிம் உம்மத்தை நீ பாதுகாப்பாயகா 
இந்த உம்மத்துக்கு எதிராக ஆயுதம் ஏந்த குடியவர்களை நீயே கவனித்து கொள்வாயாக

பச்சிளம் குழந்தைகளை ஈவிரக்கம் இன்றி கொலை செய்த கொடியவர்களின் அரஜகத்திர்கு முடிவு கட்டி அந்த கொடியவர்களின் அரசை நீ முடிவுக்கு கொண்டு வருவாயாக

இறைவ உனது அடியார்களுக்காக உன்னிடம் மன்றாடுகிறோம் எங்களை பிரார்த்தனையை ஒப்பு கொண்டு சிரிய நாட்டு முஸ்லிம்களின் வாழ்வில் நிம்மதியை விரைந்து கொண்டு வருவாயாக

இவ்வாறு மக்கவில் நடை பெற்ற ஜீம்ஆவில் .இமாம் அவர்களால் பிரார்த்தனை செய்ய பட்டது

21-8-15

ரஷ்ய தலை நகர் மாஸ்கோவில் நடமாடும் இறை இல்லம்.!


ரஷ்யாவின் தலை நகர் மாஸ்கோவில் இஸ்லாமியர்களின் எண்ணிக்கை பெருகி வருவதால் இறை இல்லங்களுக்கு அங்கு பற்றாகுறை ஏர்பட்டுள்ளது 

இந்த குறையை போக்குவதர்காக ரஷ்ய முஸ்லிம்கள் நடமாடும் இறை இல்லங்களை உருவாக்கியுள்ளனர் 

இஸ்லாமியர்கள் அதிகம் கூடும் இடங்களில் இந்த நடமாடும் இறை இல்லங்களை கொண்டு நிறுத்துவதின் மூலம் 

இஸ்லாமியர்களின் வணக்க வழிபாடுகளுக்கு உதவும் முடியும் என்பதால் இந்த திட்டத்தை மேலும் பரவலாக்க ரஷ்ய முஸ்லிம்கள் திட்டங்களை வகுத்து வருகின்றனர்

நடமாடும் இறை இல்லத்தை தான் படத்தில் பார்க்கின்றீர்கள் 

பார்க்கில் கண்டெடுத்த விலை மதிப்பற்ற பொருட்களை ஒப்படைத்த முஸ்லிம் துப்பரவு தொழிலாளி.!


பார்க்கில் கண்டெடுத்த விலை மதிப்பற்ற பொருட்களை இறைவனுக்கு அஞ்சி உரியவர்வளை தேடி ஒப்படைத்த முஸ்லிம் துப்பரவு தொழிலாளி

சவுதி அரேபியாவின் தவ்மத்துல் ஜன்துல் என்ற இடதத்தில் துப்பரவு பணியாளராக பணியாற்றும் சகோதரரை தான் படத்தில் பார்க்கின்றிர்கள்இவர் தனது பணியை செய்யும் விதமாக அங்குள்ள ஒரு பார்க்கை சுத்தம் செய்து கொண்டிருந்தார்.

அப்போது அந்த பார்க்கில் கேட்பாரற்று கிடந்த ஒரு பேக்கை கண்டெடுத்தார் அந்த பேக்கில் விலைமதிப்பற்ற சில பொருட்கள் உட்பட பணமும் இருப்பதை கண்டார் 

குறைந்த ஊதியத்தில் பணியாற்றும் அவர் நினைத்திருந்தால் அதை தமதாக்கி கொண்டிருக்கலாம் ஆனால் அதை செய்வதர்கு அவரது மனம் இடம்தரவில்லை

அந்த நகரத்தின் முக்கிய பொறுப்பாளர்களை தேடி சென்று அவர் பார்க்கில் இருந்து எடுத்த விலை மதிப்பற்ற பொருள்களை ஒப்படைத்தார்.

அவரது நேர்மையை கண்டு வியப்படைந்த நகர நிர்வாகத்தினர் அவரை பாராட்டி பரிசுகளை வழங்கினர்.

துபாயில் கூட்டத்தில் இந்தியில் உரையாற்றியது ஏன்? பிரதமர் மோடிக்கு வெளிநாட்டு வாழ் இந்திய அமைப்பு கண்டனம்.!


துபாயில் பிரதமர் மோடி கலந்துகொண்ட‌ கூட்டத்தில் தமிழகம், கேரள உள்ளிட்ட தென்னிந்தியர்களும் பங்கேற்றனர்.

கூட்டத்தில் எவ்வித மொழிபெயர்ப்புமின்றி முழுக்க‌ ஹிந்தியில் உரையாற்றிய பிரதமர் மோடிக்கு வெளிநாட்டு வாழ் இந்தியர்கள் அமைப்பு கண்டனம் தெரிவித்துள்ளது

இது குறித்து சர்வதேச‌ காயிதேமில்லத் பேரவை சார்பில் அமீரக பொருளாளர் ஹமீது ரஹ்மான் வெளியிட்டுள்ள செய்தியில், இரண்டு நாள் சுற்றுபயணமாக யுஏஇ வருகை தந்த பிரதமர் மோடி வெளிநாட்டு வாழ் இந்தியர்களுக்கென எவ்வித திட்டத்தையும் அறிவிக்கவில்லை.

தாய் நாட்டிற்கு அந்நிய செலவாணியை அள்ளிதரும் யுஏஇ வாழ் இந்திய மக்களுக்கு குறிப்பாக அடிதட்டு தொழிலாளர்களுக்கு எவ்விதமான நல திட்டங்களையும் அறிவிக்கவில்லை. 

துபாயில் தமிழக தொழிலாளர்கள் ஏராளமானோர் உள்ளனர். அவர்களை சந்திக்க ஆர்வமில்லை. பெரும் முதலாளிகளை சந்திப்பதிலேதான் ஆர்வம் காட்டினார். 

இவர் முதலாளிகளுக்கான பிரதமராகவே அடையாளப்படுத்தி கொண்டார்.

வெளிநாட்டு வாழ் தொழிலாளர்கள் உயிரழந்தார்களானால் அவர்கள் உடலை இந்திய அரசாங்கமே தாயகத்துக்கு எடுத்து வர ஏற்பாடு செய்வது, 

பென்சன் திட்டம், நாடு திரும்பினால் தொழில் கடனுதவி, வெளிநாட்டிலிருந்து அனுப்பு தொகைக்கான கமிஷனை குறைப்பது போன்ற நீண்ட கால‌ கோரிக்கைகள் குறித்து எவ்வித நடவடிக்கையும் இல்லை.

துபாயில் நடைபெற்ற வரவேற்பு கூட்டத்தில் தமிழகம் மற்றும் கேரளாவை சேர்ந்தவர்கள் உள்ளிட்ட இந்தியர்கள் பிரதமர் வெளிநாட்டு வாழ் இந்தியர்களுக்கான நல திட்டங்களை அறிவிப்பார் என ஆர்வத்துடன் பங்கேற்றனர். ஆனால் எவ்வித அறிவிப்பும் இல்லாமல் ஏமாற்றமே மிஞ்சியது.

துபாயில் கேரள, தமிழகம் உள்ளிட்ட‌ தென்னிந்தியாவை சேர்ந்தவர்கள் பங்கேற்ற கூட்டத்தில் ஹிந்தியில் பேசியது கடும் கண்டத்துக்குறியது. 

எவ்வித மொழி பெயர்ப்பும் செய்யப்படவில்லை.இச்செயல் வெளிநாட்டு வாழ் இந்தியர்கள் மத்தியிலும் மிகுந்த வேதனையை ஏற்படுத்தியுள்ளது இந்தி மொழி பேசும் மக்களுக்கு மட்டும் தான் மோடி பிரதமரா? 

இது போன்று குற்றச்சாட்டுக்களை சுட்டிகாட்டும் ஊடங்களையும் முடக்கும் பணியில் மோடி அரசு ஈடுபடுகிறது. அதற்கு உதாரணம் சமீபத்தில் சில‌ ஊடங்களுக்கு அனுப்பபட்ட நோட்டீசாகும்.

 எனவே இது போன்ற செயல்களை நிறுத்தி மக்களுக்கு சேவையாற்றும் அரசாங்கமாக மோடி அரசு திருத்தி கொள்ள வேண்டும் இவ்வாறு அவர் தெரிவித்துள்ளனர்.

முஸ்லிம் ஹைஸ்கூல் மாணவியின் கண்டுபிடிப்பால் வருடத்திற்கு 165 மில்லியன் டாலர் வருமானம்.!


முஸ்லிம் ஹைஸ்கூல் மாணவியின் கண்டுபிடிப்பால் வருடத்திற்கு 165 மில்லியன் டாலர் வருமானம். 

ஐரோப்பியன் யூனியன்,
” இளம் விஞ்சானிக்கான” பட்டம் அளித்து கவுரவித்து உள்ளது.


எகிப்து நாட்டைச் சார்ந்த சகோதரி அஸ்ஸா பாயாதின் கண்டுபிடிப்பு , எகிப்திய பெட்ரோலியம் ஆராய்ச்சி நிறுவனத்தால் ஆராயப்பட்டு, அவர் இன்னும் சிறந்த முறையில் தன்னுடைய ஆராய்ச்சியை தொடர, சோதனைகூட வசதிகள் செய்து கொடுத்துள்ளனர்.

எகிப்த், வருடத்திற்கு மில்லியன் டன் பிளாஸ்டிக் குப்பையை உற்பத்தி செய்கின்றது. அஸ்ஸாவின் கண்டுபிடிப்பால் இவ்வளவு குப்பையும், 78 மில்லியன் டாலர் மதிப்புள்ள எரிபொருளாக மாற்றப்பட்டுவிடும்.

இதை 165 மில்லியன் டாலர் மதிப்புள்ளதாக மாற்ற முடியம் என்று அஸ்ஸா நம்பிக்கை தெரிவித்துள்ளார்.

” இஸ்லாம் பெண்களை கொடுமை படுத்துகின்றது”, “ஹிஜாப் பிற்போக்குத்தனம்”, என்று கூக்குரலிடும் பிற்போக்குவாதிகள் தங்களை மாற்றிக்கொள்வார்கள் என்று நம்புகின்றோம்.

எங்களின் சகோதரிகள், தலையைத் தான் மூடுகின்றார்களே தவிர, மூளையை அல்ல.

இந்த சகோதரி மென்மேலும், தன்னுடைய ஆராய்ச்சியில் சாதித்து, உலக மக்களின் நல்வாழ்விற்கு பாடுபட இறைவனை வேண்டுகின்றோம்.

துபாயில் உருவாகி வரும் செயற்கை தீவில் ஒரு பகுதி அடுத்த ஆண்டு நிறைவு.!


துபாயில் உருவாகி வரும் செயற்கை தீவில் ‘சுவீடன் பகுதி’ அடுத்த ஆண்டு நிறைவு. இயற்கை ஆர்வலர்களுக்கு தீனியாக விளங்குவது தீவுகளாகும்.
   
உலகில் மனிதர்களால் உருவாக்கப்பட்ட  தீவுகளில் பாம் ஜீமைரா மிகபெரிய தீவாக  துபாயில் அமைந்துள்ளது .

சர்வதேச அளவில் சுற்றுலா பயணிகளை கவர்ந்து வருகிறது. இந்நிலையில் மற்றொரு செயற்கை தீவு திட்டமான துபாயில் தி வோல்ட் தீவுகள் திட்டத்தில் ஒரு பகுதியான  ‘ஹார்ட் ஆப் யுரோப்’ என்ற செயற்கை தீவை உருவாக்கும் திட்டத்தை க்லேஇண்டீனிஸ்ட் செயல்படுத்தி வருகிறது.

இதில் குளிர் பிரேதசங்களை அதிகமாக கொண்ட ஆஸ்டிரியா, மொனாக்கோ, ஜெர்மனி, ஸ்வீடன், ஸ்விசர்லாந்து மற்றும் செண்ட்.பீடர்ஸ்பர்க் பகுதிகளைப் போன்ற 6 செயற்கை உருவாக்கப்பட்டு வருகிறது.

மனிதர்களால் உருவாக்கப்பட்ட மிகப்பெரிய செயற்கை தீவான பாம் ஜீமைராவுக்கு அடுத்ததாக உருவாகும். 

இந்த செயற்கை தீவில் அந்தந்த நாடுகளில் நிலவும் தட்பவெட்ப சூழ்நிலைகள் செயற்கையாகவும், அங்குள்ள தெருக்கள் போன்ற கட்டமைப்புகள் ஏற்படுத்தப்படுகிறது.

இதில் முதல் கட்டமாக சுவீடன் பகுதிகளுக்ககான குடியிருப்புகள் அடுத்த ஆண்டு நிறைவு பெற உள்ளதாக அறிவிக்கபட்டுள்ளது. வருடத்தின் முதல் கால் பகுதியில் ஒரு வில்லாவும் வருடத்தின் இறுதியில்






20-8-15

முஸஃபர் நகர் இனப்படுகொலை குறித்த ஆவணப் படம்: ஆக. 25 அன்று நாடு முழுவதும் திரையிடல்.!


 “முஸஃபர் நகர் பாக்கி ஹை” என்ற ஆவணப் படம் ஆகஸ்ட் 25 அன்று நாடு முழுவதும் திரையிடப்பட இருக்கிறது.

 “எதிர்ப்பு சினிமா” (Cinema of Resistance) என்ற அமைப்பு இதற்கான ஏற்பாடுகளைச் செய்துள்ளது.
நாகுல் சிங் ஸானி இயக்கியுள்ள 

இந்த ஆவணப் படம் முஸஃபர் நகரில் முஸ்லிம்களுக்கெதிராக சங்கப் பரிவார பயங்கரவாத சக்திகள் நடத்திய கோரமான இனப்படுகொலையைத் தோலுரித்துக்காட்டுகிறது. 

நாட்டையே அழிக்கத் துடிக்கும் ஃபாசிச வகுப்புவாதத்திற்கெதிராக தன் வாழ்க்கையையே அர்ப்பணித்து பல ஆவணப் படங்களை இயக்கியவர் சுப்ரதீப் சக்கரவர்த்தி.

அவர் மறைந்த தினமான ஆகஸ்ட் 25 அன்று “முஸஃபர் நகர் பாக்கி ஹை” ஆவணப் படம் சென்னை, திருச்சி, மதுரை, டெல்லி, மும்பை, பெங்களூரு, கொல்கத்தா, லக்னோ, புவனேஷ்வர், சண்டிகர்,  சிட்டோர்கர், துங்கர்பூர், ஃபைஸாபாத், ஃபரீதாபாத், கோரக்பூர், 

ஜாம்ஷெட்பூர், மதுரா, நைனிடால், பாட்டியாலா, ராய்ப்பூர், சாந்திநிகேதன், துல்ஜாப்பூர், உதைப்பூர், விசாகப்பட்டினம் ஆகிய நகரங்களில் திரையிடப்படுகிறது.

சென்னையிலும், திருச்சியிலும் இதற்கான ஏற்பாடுகளை அம்பேத்கர் பெரியார் வாசகர் வட்டம் செய்துள்ளது.

 சென்னையில் ஆவணப்படம் திரையிடப்படும் இடம்: ஸ்பேசஸ், எலியட்ஸ் பீச், பெஸன்ட் நகர். நேரம்: மாலை 6 மணி. திருச்சியில் இடமும், நேரமும் அறிவிக்கப்படவில்லை.

மதுரையில் மக்கள் திரை, சாப்ளின் டாக்கீஸ், இளம் தமிழகம் ஆகிய அமைப்புகள் இதற்கான ஏற்பாடுகளைச் செய்துள்ளன. 

இடமும், நேரமும் அறிவிக்கப்படவில்லை.
ஆகஸ்ட் 25க்கு முன், பின் தினங்களிலும் இன்னும் பல இடங்களில் இந்த ஆவணப் படம் திரையிடப்படுகிறது.

டெல்லி பல்கலைக்கழகத்தின் கிரோரி மால் கல்லூரியில் இந்த ஆவணப் படத்தைத் திரையிடும்பொழுது அகில பாரதீய வித்யார்த்தி பரிஷத் என்ற ஃபாசிச சங்கப் பரிவார சக்திகளின் மாணவர் அமைப்பு குண்டர்கள் காட்டுமிராண்டித் தாக்குதலில் ஈடுபட்டனர்.

தங்கள் நகரங்களில், கிராமங்களில், முஹல்லாக்களில் இந்த ஆவணப் படத்தைத் திரையிடுவதற்கு ஏற்பாடுகள் செய்யுமாறு “எதிர்ப்பு சினிமா” நாட்டு மக்களைக் கேட்டுக்கொள்கிறது.

 டிவிடி வேண்டுவோர் அவர்களைத் தொடர்புகொள்ளலாம்.
மேலதிக விவரங்களை இந்த முகநூல் பக்கத்தில் சென்று பார்க்கலாம்: 

https://www.facebook.com/events/900486306697566/

சவுதியில் ஆண்கள் அளிக்கும் மஹர் தொகை அதிகரிப்பு.!


சவுதியில் திருமணமாகாமல் இருக்கும் பெண்களின் எண்ணிக்கை அதிகரித்துள்ள நிலையில் மக்கா ஆளுநர் இளவரசர் காலித் அல் பைசல் ஆண்கள் அளிக்கும் மஹர் தொகை அளவை ரூ. 8 லட்சத்து 68 ஆயிரமாக அதிகரித்துள்ளார்.


சவுதி அரேபியாவில் ஆண்கள் தாங்கள் திருமணம் செய்ய விரும்பும் பெண்களுக்கு நகை அல்லது பணத்தை மஹராக அளிக்க வேண்டும்.

 சவுதி பெண்கள் அதிக அளவில் மஹர் எதிர்பார்க்கிறார்கள். இதனால் பல பெண்கள் திருமண வயதை தாண்டியும் திருமணம் ஆகாமல் உள்ளனர்.

 தற்போது பெண்களுக்கு ரூ.5 லட்சத்து 21 ஆயிரம் மஹர் பணமாக அளிக்கப்படுகிறது. இந்நிலையில் இந்த தொகையை ரூ.8 லட்சத்து 68 ஆயிரமாக உயர்த்தியுள்ளார் மக்கா ஆளுநர் இளவசர் காலித் அல் பைசல்.

இதன் மூலம் அதிக பெண்களுக்கு திருமணம் நடக்கும் என்று எதிர்பார்க்கப்படுகிறது. 2010ம் ஆண்டு சவுதி அரேபியாவில் 15 லட்சம் திருமணமாகாத பெண்கள் இருந்தனர். 

ஆனால் தற்போது 40 லட்சம் திருமணமாகாத பெண்கள் உள்ளனர் என்று ஆய்வு ஒன்றில் தெரிய வந்துள்ளது என இஸ்லாமிய பல்கலைக்கழக அறிஞர் அலி அல் ஜஹ்ரானி தெரிவித்துள்ளார்.

இது குறித்து அவர் மேலும் கூறுகையில்:

அதிக வரதட்சணை, திருமண செலவு, இளைஞர்களுக்கு வேலையின்மை, வீடு இல்லாதது ஆகிய காரணங்களால் அதிக பெண்கள் திருமணமாகாமல் உள்ளனர். 

திருமணம் நடத்தும் இடத்தின் வாடகையே ரூ.8 லட்சத்தில் இருந்து துவங்குகிறது. ஏராளமான திருமண மஹால்களை கட்டினால் அதன் வாடகை குறையும் என்றார்.

தாய்லாந்த் ஹாஜிகளின் முதல் குரூப் மதினா வருகை.!


18-08-2015 அன்று 1500 பேர் கொண்ட முதல் தாய்லாந்த் ஹாஜிகள் குரூப் மதினா விமான நிலையத்தை வந்தடைந்தது. 

இந்த வருடம் தாய்லாந்திலிருந்து மட்டும் 10400 பேர் ஹஜ் பயணம் செய்வதற்கு முன் பதிவு செய்துள்ளனர். 

தாய்லாந்த் எம்பாஸியின் மூத்த அதிகாரி தானிஸ் நா சொங்க்லா விமான நிலையம் வந்து தனது நாட்டு ஹாஜிகளை வரவேற்று உபசரித்தார்.

'தாய்லாந்து அரசு ஹாஜிகளின் புனித பயணத்தை மிக முக்கிய நிகழ்வாகக் கருதுகிறது. ஹாஜிகளின் முதல் குரூப்பை வரவேற்கும் வாய்ப்பு பெற்றதை எனது பாக்கியமாக கருதுகிறேன்.

ஹாஜிகளின் பயணத்தில் எந்த சிக்கலும் இல்லாமல் தங்கள் கடமைகளை செய்ய ஒத்துழைத்து வரும் சவுதி அரசுக்கு தாய்லாந்து அரசின் சார்பில் நன்றியை தெரிவித்துக் கொள்கிறேன்' என்றார் நா சொங்க்லா.