அன்பான வாசகர்களுக்கு இந்த வலைத்தளத்தில் ஒன்று அல்லது இரண்டு செய்திகள் மட்டும் வருகிறதா தாங்கள் பழைய இடுக்கைக்கு சென்று செய்திகள் பார்க்கவும்..... ...

9/2/16

இஸ்லாமியர்களை அரவணைப்பவரே அதிபராக வரவேண்டும் : அமெரிக்க பெரும்பான்மை மக்கள் அதிரடி கருத்து - பியூ சர்வே முடிவு.!


அமெரிக்காவில் அதிபர் தேர்தல் வரவிருக்கிறது. அமெரிக்க அதிபராக யார் வந்தால் சரியாக இருக்குமென்று பியூ என்ற ஆய்வு நிறுவனம் மக்கள் மத்தியில் கருத்து கணிப்பு கேட்டது.

இதில் அமெரிக்காவின் பெரும்பான்மை மக்களின் கருத்தாக...

அமெரிக்க அதிபராக யார் வேண்டுமானாலும் வரலாம், ஆனால் அவர்கள் இஸ்லாத்தை இழிவு செய்பவராக இருக்கக்கூடாது என்றும் இஸ்லாமியர்களை அரவணைப்பவராக இருப்பவராக இருக்க வேண்டும் என்றும் கருத்து தெரிவித்துள்ளனர்.

சாதாரணமாக உடலுக்கு காய்ச்சல், தலைவலி வந்தால் கூட ஏன் வந்தது, எதற்காக வந்தது என்று ஆய்வு நடத்தும் அளவுக்கு ஆர்வம் கொண்டவர்கள் அமெரிக்கர்கள்,

2002 இரட்டை கோபுர தாக்குதலுக்கு பிறகு இஸ்லாம் இந்த உலகுக்கு என்ன சொல்கிறது என்று அமெரிக்க மக்கள் திருக்குர்ஆனை ஆய்வு செய்ய தொடங்கினர். அதன்பிறகே அங்கு இஸ்லாத்தின் தாக்கம் ஏற்பட்டு மக்கள் சாரை சாரையாக இஸ்லாத்தை நோக்கி வந்தார்கள்.

2002 முதல் 2012 வரை 10 ஆண்டுகளில் அமெரிக்காவில் 1200 பள்ளிவாசல்கள் கட்டப்பட்டுள்ளது. 10 வருடத்திற்கு 1200 பள்ளிவாசல் என்றால் ஆண்டுக்கு 120 பள்ளிவாசல்கள் கட்டப்பட்டுள்ளது. ஆண்டுக்கு 120 பள்ளிவாசல்கள் என்றால் வாரத்திற்கு இரண்டு பள்ளிவாசல்கள் கட்டப்பட்டுள்ளது.

அமெரிக்காவில் இரண்டாவது மிகப்பெரிய மதமாக இஸ்லாம் திகழ்கிறது.

பியூ நடத்திய சர்வேயிலும் அமெரிக்க மக்கள் ஆர்வத்துடன் கலந்து கொண்டு இஸ்லாமியர்களுக்கு ஆதரவான கருத்துக்களை தெரிவித்துள்ளது அமெரிக்காவில் இஸ்லாத்தின் வளர்ச்சியை பிரதிபலிக்கிறது.

தமிழக முஸ்லிம்கள் அனைவரும் ஒரே குடையின் கீழ் ஒன்றினைந்து நமக்கு நாமே ஒரு அரசியல் அமைப்பை உறுவாகினால்.!


தமிழக முஸ்லிம்களின் பலம்

தமிழகத்தின் 1லட்சத்து 20 ஆயிரம் முஸ்லிம் வாக்குகளை கொண்ட நன்னிலம் சட்டமன்றத் தொகுதி தவிர, ஏரத்தாள 60க்கும் மேற்பட்டத் தொகுதிகள் 80ஆயிரம் முஸ்லிம் வாக்காளர்களை கொண்டவை. 


நன்னிலம் சட்டமன்றத் தொகுதியில் 1லட்சத்து 20 ஆயிரம் முஸ்லிம் வாக்காளர்கள் இருந்தாலும் இன்றுவரை அந்த தொகுதியில் எந்த ஒரு முஸ்லிம் வேட்பாளரோ அல்லது முஸ்லிம் அரசியல் கட்சியோ தமிழகத்திற்காக இதுவரை நடந்த சட்டமன்றத் தேர்தல்களில் 

போட்டியிடவேயில்லை என்பது ஆச்சரியகரமான, அதே சமயம் வருத்தத்திற்குரிய செய்தியாகும். தமிழகத்தில் 1 இலட்சத்திற்கும் மேற்பட்ட முஸ்லிம் வாக்காளர்களைக் கொண்ட தொகுதிகள் முப்பதுக்கும் அதிகமாக இருக்கின்றது. அவைகளில் சிலவற்றை இங்கே காணலாம்:

1. நன்னிலம்
2. கடலாடி
3. கேயம்புத்தூர் மேற்கு
4. மதுரை மத்தி
5. திருச்சி
6. சேலம்
7. அரவக்குறிச்சி
8. குடியாத்தம்
9. ராணிப்பேட்டை
10. ஆற்காடு
11. சென்னை கடற்கரை
12. சேப்பாக்க
13. ஆயிரம் விளக்கு
14. திருவல்லிக்கேண
15. எக்மோர்
16. சென்னை பூங்காநகர்
17. ராயபுரம்
18. திண்டுக்கல்
19. நத்தம்
20. பெரியகுளம்
21. பாளையங்கோட்டை
22. திருச்செந்தூர்.


இதுதவிர, தமிழகத்தில்
@ 30 சட்டமன்றத் தொகுதிகள் என்பதாயிரத்திற்கும் அதிகமான முஸ்லிம் வாக்காளர்களைக் கொண்டவை


@ 23 சட்டமன்றத் தொகுதிகள் அறுபதாயிரத்திற்கும் அதிகமான முஸ்லிம் வாக்காளர்களைக் கொண்டவை.


தமிழக முஸ்லிம்கள் அனவைரும் ஒரே குடையின் கீழ் ஒன்றினைந்து நமக்கு நாமே உருவாக்கும் அரசியல் அமைப்புக்கு வாக்களிப்போம் எனில் தமிழகத்தில் மாத்திரம் 100 சட்டமன்றத் தொகுதிகளிலும், 16 நாடாளுமன்றத் தொகுதிகளிலும் நமக்கு வெற்றி நிச்சயம் என்பதை உறுதியாகக் கூறமுடியும்


அன்பு சகோதரர்களே !... மேற்காணும் உண்மை நிலையையும் , புள்ளி விபரங்களையும் படித்து சிந்தித்து செயல்பட வேண்டிய நேரம் வந்துவிட்டது


வி.களத்தூரில் SDPI கட்சியின் சார்பாக தெருமுனைக் கூட்டம் 10.02.2016 அன்று நடைபெறுகிறது.!


வி.களத்தூரில் SDPI கட்சியின் சார்பாக  தெருமுனைக் கூட்டம் 10.02.2016 அன்று மாலை 06.40 மணியளவில் நடைபெறுகிறது.


கார் சைடு கண்ணாடிகளுக்கு விரைவில் ‘குட் பை’.!



கார் டிரைவர்கள் பின்னால் வரும் வாகனங்களை கண்காணிக்கவும், கார் நிறுத்தங்களில் கார்களை நிறுத்தும் போது அவர்களுக்கு உதவியாக இருப்பது இரு சைடு கண்ணாடிகளும் தான். ஆனால், இந்த சைடு கண்ணாடிகளை பாராமரிப்பதும், அதோடு மள்ளுகட்டுவதும் தான் பெரிய பாடு. வெளியில் இருக்கும் நபர்கள் முகம் பார்ப்பதற்காக திருப்பிக் கொள்வார்கள்.

அதோடு நெருக்கடியான சாலைகளில் செல்லும் போது மற்ற வாகனங்களோடு முதலில் உரசுவதும் இந்த சைடு கண்ணாடியாகத் தான் இருக்கும். கார்களில் பல வசதிகளை புகுத்த பொறியாளர்கள் முயற்சித்தனர். ஆனால், இந்த சைடு கண்ணாடிக்கு மட்டும் விடிவு காலம் இல்லாமல் இருந்து வந்தது.

தற்போது இந்த தொல்லைகளில் இருந்து விடுபடும் வகையில் கட்டை விரல் அளவு கொண்ட டிஜிட்டல் வீடியோ கேமராவை கார்களின் இரண்டு புறமும் பொறுத்தும் தொழில்நுட்பம் வந்து விட்டது. கண்ணாடியை பார்க்க டிரைவர் எந்த பக்கம் திரும்புவாரோ அந்த இடத்தில் ஸ்க்ரீன் பொறுத்தப்படுகிறது.

இதன் மூலம் சைடு கண்ணாடிகளில் என்னென்ன பயன் கிடைத்ததோ, அவை அனைத்தும் இந்த ஸ்க்ரீனில் டிரைவருக்கு கிடைத்துவிடும். சூரிய வெளிச்சம், இரவு பயணத்துக்கு ஏற்ப கேமரா தானாக மாற்றங்களை ஏற்படுத்திக் கொள்ளுமாம். 

ஆரம்பத்தில் இந்த புதிய முறைக்கு மாறுவது டிரைவர்களுக்கு சற்று கடினமாக தான் இருக்குமாம். காலப்போக்கில் இதற்கு முறையான பயிற்சி எடுத்துக் கொண்டால் பழக்கமாகிவிடும் என்று கார் பொறியாளர்கள் கூறுகின்றனர்.

நீண்டநேர வெந்நீர் குளியல், ஆண்களை மலடாக்கும்’ - அதிர்ச்சித் தகவல்.!



ஆறு, ஏரி, குளங்களில் களைப்பு தீர, அனுபவித்து மணிக்கணக்கில் குளித்த காலம் மலையேறிவிட்டது. வாழ்வியல் மாற்றங்களால் ‘நிதானமான காலை நேரக் குளியல்’ என்பது சாத்தியமற்றதாகி விட்டது. இயந்திர ஷவருக்கு அடியில் அவசரக் குளியல் போட்டுவிட்டுச் செல்லும் நமக்கு, ‘காலையில் மட்டுமல்ல... 

மாலையிலும் மிதமான வெந்நீர் குளியல் அவசியம்’ என்கிறார் உடல் இயங்கியல் துறை பொதுநல மருத்துவர்  அர்ச்சனா பி.குமார். ‘நீண்ட நேர வெந்நீர் குளியல் ஆண்களை மலடாக்கும்’ என்கிற அதிர்ச்சித் தகவலோடு வெந்நீர் குளியல் குறித்து நம்மிடையே பேசுகிறார்.

“அனைவருக்குமே மழைக்காலம், குளிர்காலத்தோடு, ஆண்டின் 365 நாட்களிலுமே சுடுநீர் குளியல் அவசியம். தொடர் சுடுநீர் குளியலை  அவரவர் உடலின் சுடுதன்மையைத் தாங்கும் ஆற்றலைப் பொறுத்து தொடரலாம். குழந்தை பிறந்ததிலிருந்து தொடர்ந்து 100 நாட்கள் வரை வெந்நீரில் குளிக்க வைப்பது நல்லது. 

இதனால் குழந்தைகளின் வளர்ச்சி கூடும். தண்ணீரை நன்றாக கொதிக்க வைப்பதால் கிருமிகள் அழிந்துவிடும். இதனால் நோய்த்தொற்று ஏற்படாது. 

குழந்தைகள் ஆரோக்கியத்துடன்  வளர்வார்கள். பள்ளிக்குச் செல்லும் குழந்தைகளின் உடலில் கை, கால்களில்  புழுதிக்காற்று மூலமாக கிருமிகள் பரவும். அதனால், அவர்களை காலை, மாலை என இரு வேளையும் வெந்நீரில் குளிக்க வைப்பது நல்லது.

வெப்பத்தைத் தாங்கிக் கொள்ளும் தன்மை ஆண்களுக்கும் பெண்களுக்கும் இடையே வேறுபடும். குளிர்காலங்களில் வேலை செய்வதற்கான முனைப்பு குறைந்து ஒருவித சோம்பல் ஏற்படுவது இயல்பு. வெந்நீரில் குளிப்பதால் ரத்த நாளங்கள் விரிவடைந்து, 

உடலின் அனைத்து உறுப்புகளிலும் ரத்த ஓட்டம் அதிகரிக்கும். இதனால் புத்துணர்ச்சி கிடைக்கும். வேலைக்கு செல்லும் ஆண்கள், பெண்கள் இரண்டு வேளை வெந்நீரில் குளிப்பது நல்லது. சோப்பின் நறுமணம், நீரின் சூடு களைப்பை போக்கி, உடலுக்கு சுறுசுறுப்பைத் தரும்.

சுடுநீரில் குளிப்பதால் நன்மைகள் இருந்தாலும் கெடுதல்களும் உண்டு. பொதுவாக அளவுக்கு அதிகமாக தண்ணீரை கொதிக்க வைத்து குளிப்பதால், இயற்கையாக சருமம் மற்றும் முடிகளில் உள்ள ஈரப்பதம் குறைந்து, அவை வறண்டு சருமத்தில் சுருக்கங்கள் ஏற்பட்டு, வயதான தோற்றம் வரலாம். 

அதிகமான சூட்டில் குளிப்பதால் கால்களில் வெடிப்பு ஏற்படும். ஆண்கள் பாத்டப்பில் நீண்ட நேரம் வெந்நீரில் குளிப்பதால் உயிரணுக்கள் பாதிக்கப்பட்டு மலட்டுத்தன்மை வர வாய்ப்பு உள்ளது. அதிகபட்சமாக 5 நிமிடங்களுக்குள் குளித்து விட வேண்டும். பெண்கள் சுடுதண்ணீரில் குளிப்பதால் அதிக பாதிப்புகள் ஏற்படுவதில்லை.

நோயாளி எனில், அனைத்து தேவைகளுக்குமே சுடுதண்ணீரைப் பயன்படுத்த வேண்டும். சிலர் நோயாளிகளுக்கு வெந்நீரில் துணியை நனைத்து உடலை சுத்தம் செய்வார்கள். அவ்வாறு செய்வதால் உடலில் உள்ள அழுக்குகள் அப்படியே தங்கிவிடும். 

அவர்களும் வெந்நீரில் குளிப்பது நல்லது. இதிலும் சில கட்டுப்பாடுகள் உள்ளன. சோரியாசிஸ் போன்ற சரும நோயாளிகளுக்கு இயற்கையாகவே சருமத்தில் எரிச்சல் மற்றும் வறட்சி காணப்படும். இவர்கள் வெந்நீரில் குளிப்பதால் நோயின் தன்மை அதிகரித்து அரிப்பு ஏற்படும். பொடுகு பிரச்னை உள்ளவர்கள் சுடுதண்ணீரில் குளிப்பதைத் தவிர்ப்பது நல்லது.

சர்க்கரை நோய் முற்றிய நிலையில், சருமத்தின் உணர்வுத்திறன் குறைவாக இருப்பதால் இவர்களுக்கு கொதிக்கும் நீராக இருந்தாலும், சூடு குறைவாகவே தெரியும். உடன் இருப்பவர்களின் உதவியுடன் தண்ணீரின் வெப்ப அளவை தெரிந்து கொண்டு குளிப்பது நல்லது. இல்லையெனில், அதிக சூடான நீரை மேலே ஊற்றிக் கொள்ளும்போது உடலில் ஆங்காங்கே கொப்புளங்கள் ஏற்படும்.

தொடர்ந்து சுடுதண்ணீரில் குளிப்பதால் ஏற்படும் சரும வறட்சி, முடியில் ஈரப்பதம் குறைதல், கால்கள் மற்றும் உதடுகள் வெடிப்பதைத் தவிர்க்க வெண்ணெய், தேங்காய் எண்ணெய், கிரீம் போன்றவற்றைப் பயன்படுத்தலாம். 

மிதமான வெந்நீரில் குளிப்பது சருமம் மற்றும் நரம்பைப் பாதிக்காது. அதனால், ஆண்டு முழுவதுமே காலை, மாலை இருவேளைகளிலும் மிதமான வெந்நீரில் குளிப்பது நல்லது.’’

புனித கஃபாவை சூழ, நிழல் ஏற்படுத்த திட்டம்.!



புனித கஃபாவை சூழ வலம்வரும் (தவாப்) அல்லது தொழுகை செய்யும் யாத்திரிகர்களுக்கு சூரிய வெப்பத்தை மறைக்கும் வகையில் மத்அப் பகுதியில் நிழல் ஏற்படுத்த ஆய்வுகள் மேற்கொள்ளப்பட்டுள்ளன.

இது குறித்து ஆராய இரு புனித பள்ளிவாசல்களின் நிர்வாகத் தலைவர் ஷெய்க் அப்துல் ரஹ்மான், நிதி அமைச்சின் பிரதிநிதிகள் மற்றும் பெரிய பள்ளிவாசல் திட்டக் குழுவின் அதிகாரிகளை சந்தித்து பேச்சுவார்த்தை நடத்தி இருப்பதாக சவூதி அரேபிய செய்திகள் குறிப்பிட்டுள்ளன.

மஸ்ஜிதுன் நபவி பள்ளிவாசலில் குறிப்பாக கோடை காலத்தில் சுடும் வெயிலில் இருந்து பாதுகாக்க அமைப்பட்டிருக்கும் விரியும் குடை யாத்திரிகர்களுக்கு அதிக பயன்தரக் கூடியதாக இருப்பதாக கருதப்படுகிறது. அவ்வாறான ஒரு முறை குறித்தே பேச்சுவார்த்தை இடம்பெற்றுள்ளது.

மக்கா பெரிய பள்ளிவாசல் விரிவுபடுத்தும் பணிகள் தற்போது மேற்கொள்ளப்பட்டு வருவதோடு, அதன்படி மத்அப் பகுதியும் விரிவுபடுத்தப்பட்டு வருகின்றமை குறிப்பிடத்தக்கது. 

உலகத்தின் மிகச் சிறிய வயது ஹாபிழ் என்ற பெருமையை பெற்ற அல்ஜீரியாவின் அப்துர் ரஹ்மான் பாரிஹ்.!



அல்குர்ஆனை தனது மூன்று வயதிலே மனனம் செய்து முடித்து உலகத்தின் மிகச் சிறிய வயது ஹாபிழ் என்ற பெருமையை அல்ஜீரியாவின் அப்துர் ரஹ்மான் பாரிஹ் என்ற சிறுவன் பெற்றுக் கொண்டார் அண்மையில் ஜித்தாவில் இடம்பெற்ற குர்ஆன் மனனப் போட்டியில் இவர் முதல் இடத்தையும் பெற்றுக் கொண்டார் தற்போது அவருக்கு வயது ஒன்பதுஅல்லாஹ் இவரை பொருந்திக் கொள்வானாக – ஆமின்.

மேற்கத்திய முஸ்லீம்களும் தமிழக முஸ்லிம் அமைப்புகளும்…!



உலகில் மிக அதிகமாக தீவிரவாதம் சார்ந்த விமர்சனங்கள் சந்திப்பவர்கள் மேற்கத்திய முஸ்லிம்கள்..நாளுக்கு நாள் அதிகரித்து வரும் முஸ்லிம்களின் எண்ணிக்கை அங்கு ஆதிக்கம் செலுத்தும் பெரும்பான்மை சமூகத்தின் வெறுப்பு வளர காரணமாக உள்ளது..

தமிழகத்தில் கடந்த சில வருடங்களாக பத்திரிகையாளர் போர்வையில் முஸ்லிம்களுக்கு எதிராக கட்டுரை வரையும் சூழல் அதிகரித்து வருகிறது…

இவை அனைத்தும் இஸ்லாமிய மார்க்கம் பற்றிய புரிதல் குறைவு தான் காரணம் என்று நிதானமாக பதிலளிக்க முயற்சிக்காமல் கடுமையான வார்த்தைகள் மூலம் விமர்சனம் செய்யும் போக்கு அதிகரித்து வருகிறது…

ஆனால் பிரிட்டன் முஸ்லிம் கவுன்சில் இங்கிலாந்து முழுவதும் உள்ள சுமார் 1750 பள்ளி வாசல்களில் Visit my Mosque என்று மாதம் ஒருமுறை பிறமத கோட்பாடுகளை பின்பற்றுபவர்களை வரவழைத்து மார்க்கம் பற்றியும், இஸ்லாம் வலியுறுத்தும் ஒழுக்கம் சார்ந்த உயரிய விழுமங்களையும் புரிய வைக்கும் முயற்சியில் ஈடுபட்டுள்ளனர்.

கூடவே லண்டன், பிர்மிங்காம், மான்செஸ்டர் உள்ளிட்ட பெரு நகரங்களில் உள்ள பள்ளி வாசல்களில் ஒவ்வொரு ஞாயிற்றுக்கிழமையும் Open Day என்று அறிவித்ததோடு இஸலாத்தை குறித்து அறிய விரும்புபவர்களுக்காக சிறப்பு தாஃவா நடைபெறுகிறது…

எனவே உரிய புரிதல் இல்லாமல் எழுதுபவர்கள் வருந்தி மறுபடியும் சரியாக எழுத தூண்டும் வகையில் நமது எதிர்ப்பு இருக்க வேண்டும்…

சகிப்புத்தன்மையை நல்லறங்களில் ஒன்றாக கற்றுத்தந்த நபிகள் நாயகம் (ஸல்) அவர்களது உம்மத்துகள் சமூகத்தின் உள்ளேயும் வெளியேயும் சகிப்பற்ற சமூகமாக மாறி வரும் சூழல் வருத்தம் அளிக்கிறது.

தமிழகத்தில் இரு சக்கர வாகனங்களில் 108 சேவை திட்டம் தொடங்கியது.!


தமிழ்நாடு முதலமைச்சர் ஜெ ஜெயலலிதா இன்று தலைமைச் செயலகத்தில் ‘108’ அவசரகால ஆம்புலன்ஸ் திட்டத்திற்கு 70 லட்சம் ரூபாய் மதிப்பீட்டில் அவசரகால முதலுதவிக்கான 41 இருசக்கர வாகனங்களின் சேவையை கொடியசைத்து துவக்கி வைத்தார்.

ஒவ்வொரு ஆண்டும் சாலை விபத்துகளில் விலை மதிப்பற்ற மனித உயிர் இறப்புகள் ஏற்படுகின்றன. இதனால் பாதிக்கப்படும் குடும்பங்கள், மன உளைச்சலுக்குஆளாவதோடு வருமானம் ஈட்டும் நபரை இழந்து பொருளாதார நெருக்கடிக்கும் ஆளாகின்றனர். 

உயிர் இழப்பை தடுக்கவும், விலை மதிப்பற்ற மனித உயிர்களைக்
காப்பாற்றவும், அரசு மருத்துவமனைகளில் விபத்து மற்றும் தலைக்காய சிகிச்சை மையங்களை ஏற்படுத்தி வருவதோடு, ‘108’ அவசரகால ஆம்புலன்ஸ் திட்டத்தில் செயல்பட்டு வரும் ஆம்புலன்ஸ்களின் எண்ணிக்கையை கடந்த 5 ஆண்டுகளில் 385-லிருந்து 755-ஆக உயர்த்தியுள்ளது.

இதுமட்டுமின்றி, 66 பச்சிளம் குழந்தைகளுக்கான சிறப்பு அவசரகால ஊர்திகள், 78 மலையோரங்கள் மற்றும் மணல் பாங்கான பகுதிகளில் இயங்கக்கூடிய சிறிய ரக அவசரகால ஊர்திகள், சென்னை புறநகர் பகுதியில் 2 அவசரகால சிகிச்சை மையங்கள் ஆகியவையும் செயல்பட்டு வருகின்றன.

‘108’ அவசரகால சேவையை மேலும் செம்மைப்படுத்த வேண்டும் என்ற உயரிய நோக்கில், அவசரகால முதலுதவிக்காக 70 லட்சம் ரூபாய் மதிப்பீட்டில் 41 இருசக்கரவாகனங்களின் சேவையை பொதுமக்களின் பயன்பாட்டிற்காக தமிழ்நாடு முதலமைச்சர் ஜெ ஜெயலலிதா இன்று கொடியசைத்து துவக்கி வைத்தார்.

அவசரகால முதலுதவிக்கான 41 இருசக்கர வாகனங்களில், 31 இருசக்கர வாகனங்கள் மோட்டார் சைக்கிள் வடிவிலும், 10 இருசக்கர வாகனங்கள் ஸ்கூட்டர் வடிவிலும்அமைக்கப்பட்டுள்ளன. 

ஆடவர் மட்டுமின்றி, பெண் அவசரகால மருத்துவ உதவியாளரும் இயக்கும் வண்ணம் இவ்வாகனங்கள் வடிவமைக்கப்பட்டுள்ளன.

இந்தியாவிலேயே முதன் முறையாக பெண் மருத்துவ உதவியாளர்களால் இயக்கப்படும் அவசரகால முதலுதவிக்கான ஸ்கூட்டர் வடிவிலான இருசக்கரவாகனங்கள் என்பது குறிப்பிடத்தக்கதாகும்.

விபத்தில் பாதிக்கப்பட்டவருக்கு, முதல் 10 நிமிடங்கள் பிளாட்டினம் நிமிடங்கள் என்று அழைக்கப்படுகிறது. இந்த முதல் 10 நிமிடங்களில்
பாதிப்பின் தன்மையை கண்டறிந்து, பாதிக்கப்பட்ட பகுதியை அசையாமல் செய்து உயிர் மீட்பு , உயிர் வாயு வழங்குவது, இரத்தப்போக்கை கட்டுப்படுத்துவது போன்ற முதலுதவிகள் பாதிப்பின் தன்மையை குறைத்து, உயிர் காக்கும் வாய்ப்பை அதிகரிக்கும்.

விபத்து பகுதிகளுக்கு ‘108’ அவசரகால ஊர்திகள் செல்வதற்கு முன்பு, பாதிப்புக்குள்ளானவருக்கு உடனடியாக தரமான முதலுதவி கிடைக்க இந்த இருசக்கரமுதலுதவி வாகனங்கள் வழிவகை செய்யும். இதனால் விபத்தில் பாதிக்கப்பட்டவருக்கு மருத்துவ உதவி கிடைப்பதற்கான கால அளவு மேலும் குறையும்.

இந்த இருசக்கர முதலுதவி வாகனத்தில், கையில் எடுத்து செல்லக்கூடிய உயிர் வாயு சிலிண்டர், நாடித்துடிப்பை கண்டறியும் கருவி, இரத்த அழுத்தத்தை அறியும் கருவி, இரத்தத்தில் சர்க்கரை அளவை அறியும் கருவி, உடல் சூட்டை அறியும் கருவி போன்ற உயிர் காக்கும் கருவிகளும் தேவையான மருந்துகளும் வைக்கப்பட்டுள்ளன. 

இந்த இருசக்கர வாகனத்தை பயிற்சி பெற்ற அவசரகால மருத்துவ உதவியாளர் ஓட்டுவார். அவசர ஒலி எழுப்பும் ஒலிபெருக்கி தன்மையுடன் கூடிய வண்ணத்தில் இவ்வாகனங்கள் சிறப்புற வடிவமைக்கப்பட்டுள்ளன.

அவசரகால அழைப்பு, ‘108’ அவசர கட்டுப்பாடு அறைக்கு வந்தவுடன், பாதிப்பின் தன்மைக்கேற்ப இந்த இருசக்கர வாகனம் அனுப்பி வைக்கப்பட்டு, பாதிப்பின் தன்மையை ஆய்வு செய்து முதலுதவி வழங்கப்படும். 

பாதிப்பின் தன்மை அதிகமாகவும், மருத்துவமனையில் உடனடி சிகிச்சை பெற வேண்டிய அவசியமும் இருப்பின், ‘108’அவசரகால ஆம்புலன்ஸ் மூலம் பாதிக்கப்பட்டவர் உடனடியாக அருகில் உள்ள மருத்துவமனைக்கு அனுப்பிவைக்கப்படுவார்.

இந்த அவசரகால இருசக்கர வாகனம், முதல் கட்டமாக சென்னை மாநகரத்தில் முக்கிய சந்திப்புகள், குறுகிய மற்றும் மக்கள் அதிகம் கூடும் இடங்களில்நிறுத்திவைக்கப்பட்டு, பகல் பொழுதில் போக்குவரத்து அதிகம் இருக்கக்கூடிய இடங்களில் இயக்கப்படும். இவற்றின் பயன்பாட்டைப் பொறுத்து, இந்தத் திட்டம் மற்ற
நகரங்களுக்கும் விரிவுபடுத்தப்படும்.

இந்த சிறப்பு சேவை மூலம், மேலும் பல்லாயிரக்கணக்கான உயிர்கள் காப்பாற்றப்படும் என அரசு செய்திக்குறிப்பில் தெரிவிக்கப்பட்டுள்ளது. இதில் அமைச்சர்கள், அதிகாரிகள் கலந்து கொண்டனர்.

பெரம்பலூர் புத்தகத் திருவிழாவில் வாசகர்கள் புத்தகங்களை ரூ.1.81 கோடிக்கு விற்பனையானது.!


பெரம்பலூரில் தென்னிந்திய புத்தக விற்பனையாளர்கள் மற்றும் பதிப்பாளர்கள்; சங்கம், பெரம்பலூர் மக்கள் பண்பாட்டு மன்றம் மற்றும் மக்கள் சிந்தனைப்பேரவை இணைந்து நடத்தும் புத்தகத்திருவிழா – 2016 பெரம்பலூர் புதிய பேருந்து நிலையம் அருகில் நகராட்சி திடலில் ஜனவரி 29 முதல் துவங்கி நேற்று வரை நடந்தது.

தொடர்ந்ர் 10 நாட்கள் நடைபெற்ற புத்தகத்திருவிழாவில் மொத்தம் 1.40 இலட்சம் வாசகர்கள் வருகை தந்து, 50 லட்சத்திற்கும் மேற்பட்ட புத்தகங்கள் ரூ.1.81 கோடிக்கு விற்பனையாகி உள்ளது என விழாக்குழுவினர் தெரிவித்துள்ளனர்.

8/2/16

ஐ.எஸ். தீவிரவாதிகளுக்கு எதிராக தரைப்படையை அனுப்ப தயார் ஐக்கிய அரபு எமிரெட்சு அறிவிப்பு.!


சிரியாயில் ஐ.எஸ். தீவிரவாதிகளுக்கு எதிராக தரைப்படையை அனுப்ப தயார் என்று ஐக்கிய அரபு எமிரெட்சும் அறிவித்து உள்ளது.

ஐ.எஸ். தீவிரவாதிகளுக்கு எதிராக தரைப்படையை அனுப்பவும், தீவிரவாதிகளுக்கு எதிராக போரிடும் அமெரிக்கா தலைமையிலான படைகளுக்கு உதவிசெய்யவும், பயிற்சி அளிக்கவும் தயாராக உள்ளோம் என்று ஐக்கிய அரபு எமிரெட்சு கூறிஉள்ளது. 

ஐக்கிய அரபு எமிரெட்சின் வெளியுறவுத்துறை மந்திரி அவார் கார்காஷ் பேசுகையில், ”இது எங்களுடைய நிலையென்று நினைக்கின்றேன்... தீவிரவாதிகளுக்கு எதிரான உண்மையான போரில் தரைப்படையும் உள்ளடங்கியது.” என்று கூறிஉள்ளார். 
 
சவுதி அரேபியா தலைமையிலான அரபு படைகளும் ஐ.எஸ். தீவிரவாதிகளுக்கு எதிராக போரிட்டு வருகிறது. சவுதி அரேபியாவும் கடந்த வாரம் சிரியாவிற்கு ஐ.எஸ். தீவிரவாதிகளுக்கு எதிராக தரைப்படையை அனுப்ப தாயாராக உள்ளோம் என்று அறிவித்தது.

ஐ.எஸ். தீவிரவாதிகளுக்கு எதிரான போரில் சர்வதேச படையின் வேகமில்லாத நடவடிக்கையில் ஐக்கிய அரபு எமிரெட்சு விரக்தியை வெளிப்படுத்தி உள்ளது. 

தரைப்படையை அனுப்ப தயார் என்று சவுதி அரேபியா அறிவித்ததை தொடர்ந்து பேசிய சிரியா வெளியுறவுத்துறை மந்திரி, எங்களுடைய பகுதிக்குள் தரைப்படை அதிகரிப்பதை தடுப்போம், ஆக்கிரமிப்பாளர்களை சவப்பெட்டியில் அனுப்புவோம் என்று கூறினார். 

சன்னி இஸ்லாமியர்கள் அதிகமாக கொண்ட சவுதி அரேபியா மற்றும் பிற வளைகுடா நாடுகள் சிரியா அதிபர் பஷார் அல் அசாத்திற்கு எதிர்ப்பு தெரிவித்து வருகின்றன. சிரியா அதிபருக்கு ஆதரவாக போரிட்டு வரும் ரஷியா கிளர்ச்சியாளர்கள் மீதும் தாக்குதல் நடத்துகிறது என்ற பரவலான குற்றச்சாட்டு உள்ளது.

சிரியாவின் அலிப்போ நகரை சுற்றிலும் கிளர்ச்சியாளர்கள் கைவசம் உள்ள பகுதியில் ரஷியா தொடர்ச்சியாக தாக்குதல் நடத்தி வருவதால் ஆயிரக்கணக்கான மக்கள் துருக்கி எல்லையை நோக்கி செல்லவேண்டும் என்ற நிலைக்கு தள்ளப்பட்டு உள்ளனர். 

சிரியா மற்றும் ஈராக்கில் உள்ள ஐ.எஸ். தீவிரவாதிகளுக்கு எதிராக அமெரிக்கா, ரஷியா, பிரான்ஸ், ஜெர்மனி உள்ளிட்ட உலக நாடுகளின் வான்படையானது தாக்குதல் நடத்தி வருகிறது. அமெரிக்கா, தீவிரவாதிகளுக்கு எதிராக போரிடும் வீரர்களுக்கு இதுவரையில் பயிற்சி அளித்து வருகிறது. 

இருப்பினும், தரைவழி தாக்குதலுக்கு எந்தஒரு உலகநாடுகளும் விருப்பம் தெரிவிக்கவில்லை. சிரியா மற்றும் ஈராக் ராணுவம் மற்றும் தீவிரவாத குழுவிற்கு எதிரான படைகளுமே தரைவழியாக சண்டையிட்டு வருகிறது.

இந்நிலையில் சவுதி அரேபியா மற்றும் ஐக்கிய அரபு எமிரெட்சு தீவிரவாதிகளுக்கு எதிராக தரைப்படையை அனுப்ப முன்வந்து உள்ளது. 

ஷார்ஜாவில் உலக சாதனை முயற்சியாக ஒரே இடத்தில் 5 ஆயிரம் பேர் யோகாவில் பங்கேற்பு.!


ஷார்ஜாவில் ஸ்கைலைன் பல்கலைகழக வளாகத்தில் உலக சாதனை முயற்சியாக 5 ஆயிரத்திற்கும் மேற்பட்டோர் பங்கேற்ற யோகா நிகழ்ச்சி நடைபெற்றது. 

இந்த நிகழ்ச்சியை துபாய் இந்திய துணை தூதரகம், ஷார்ஜா இந்தியன் அஸோசியேசன், ஸ்கைலைன் பல்கலை கழகம் இணைந்து ஏற்பாடு செய்திருந்தது. முதலில் யோகா நிகழ்ச்சியும் அதனை தொடர்ந்து நடையோட்டமும் நடைபெற்றது.  நிகழ்ச்சிக்கு இந்திய துணை தூதர் அனுராக் பூஷன் தலைமை வகித்தார்.

சிறப்பு விருந்தினராக பின்னணி பாடகர் கே ஜே யேசுதாஸ் கலந்து கொண்டார். மது மற்றும் போதைக்கு எதிரான
 விழிப்புணர்வு உரைகளும் இதில் இடம்பெற்றிருந்தன.  

ஸ்கைலன் பல்கலைகழக நிறுவன தலைவர் கமல் பூரி, நிர்வாக குழு இயக்குநர் நிதின் ஆனந்த் ,ஷார்ஜா இந்திய சங்க தலைவர்  ஒய்.ஏ ரஹீம் உள்ளிட்ட பலர் கலந்து கொண்டனர்.

துபாயில் கடந்த 4ஆம் தேதி துவங்கி கடந்த 3 நாட்கள் தமிழ் திருக்குர் ஆன் மாநாடு சிறப்பாக நடைபெற்றது.!


இம்மாநாட்டினை கீழக்கரையைச் சேர்ந்த நஜிமுதீன், ராஃபி அகமது ஆகியோரின் வழிகாட்டுதலின் படி முகைதீன் அப்துல் காதர், ஜாபர், கமால் உள்ளிட்ட பலர் ஏற்பாடு செய்திருந்தனர்.
ஷேக் முபாரக் மதனீ, சேக் முப்தி உமர் சரீப், சேக் மஜீத் மற்றும் மவ்லவி அப்துல் பாசித் உட்பட பலர் கலந்து கொண்டு சொற்பொழிவாற்றினர். இம்மாநாட்டில் அல்குர் ஆன் கூறும் அழைப்பியல், அல்குர் ஆனை அணுகும் வழிமுறைகள், அல்குர் ஆனின் வெளிச்சத்தில் வாழ்வோம் போன்ற பல்வேறு தலைப்புகளில் உரையாற்றினர்.
மேலும் உள்ளம் அமைதி பெற வழிகள், மற்றும் இஸ்லாமிய பார்வையில் திருமணம் போன்ற தலைப்புகளில் பல வகுப்புகளும் நடைபெற்றன. மாநாட்டில் கலந்து கொண்டவர்களுக்கு பல்வேறு வகையான விளையாட்டுப் போட்டிகள், கண்காட்சி, பயிலரங்கம், ஆலோசனைகள் போன்றவைகளும் விழாக்குழுவினரால் ஏற்பாடு செய்யப்பட்டிருந்தது.
இம்மாநாட்டில் பல்வேறு சமுதாயத்தைச் சேர்ந்த ஆயிரக்கணக்கான மக்கள் கலந்து கொண்டு பயன் பெற்றனர் என்பது குறிப்பிடத்தக்கது.

சட்டசபை : தமிழகத்திற்கும், கேரளாவுக்கும் உள்ள ஒரே வித்தியாசம்…. வாட் அப்பில் வலம் வரும் வீடியோ!


கேரள சட்டசபையில் ஆளுநர் உரையின்போது நடந்த காட்சிகளை வைத்து ஒரு கலாய் வீடியோ வெளியாகியுள்ளது.

இந்த வீடியோவைப் பார்க்கும் ஒவ்வொருவரையும் சிரிக்க வைத்துள்ளனர் இந்த கலாய் வீடியோவை தயாரித்தவர்கள். வாட்ஸ் ஆப்பில் இது வலம் வருகிறது.

சென்னை: கேரள சட்டசபையில் ஆளுநர் உரையின்போது நடந்த காட்சிகளை வைத்து ஒரு கலாய் வீடியோ வெளியாகியுள்ளது.

இந்த வீடியோவைப் பார்க்கும் ஒவ்வொருவரையும் சிரிக்க வைத்துள்ளனர் இந்த கலாய் வீடியோவை தயாரித்தவர்கள்.

வாட்ஸ் ஆப்பில் இது வலம் வருகிறது. ஆளுநர் சதாசிவம் உரை நிகழ்த்திக் கொண்டிருக்கிறார். முதல்வர் உம்மன் சாண்டி உள்ளிட்டோர் அவையில் உட்கார்ந்துள்ளனர்.

எதிர்க்கட்சியினர் யாரையும் காணவில்லை. சபையே காற்றோட்டமாக காணப்படுகிறது. சதாசிவம் “தம்” கட்டிப் பேசிக் கொண்டிருக்கிறார்.

மறுபக்கம் முதல்வர் உள்பட பல அமைச்சர்களும் தூங்கி வழிகிறார்கள்.. பின்பாட்டாக .. கண்ணே கலைமானே பாட்டு!

 தமிழக சட்டசபைக் கூட்டத்தை ஒரு விநாடி நினைத்துப் பாருங்கள்.. இதையும் பாருங்கள்.. முதலமைச்சர் ஜெயலலிதா சபையில் இருக்கும்போது ஒரு கொட்டாவி விட முடியுமா… இதுதான் தமிழகத்திற்கும், கேரளாவுக்கும் உள்ள ஒரே வித்தியாசம்!!


அபுதாபி இளவரசர் பிப். 10-இல் இந்தியா வருகை.!


ஐக்கிய அரபு அமீரகத்தின் தலைநகரான அபுதாபியின் இளவரசர் ஷேக் முகமது பின் ஜாயேத் அல் நஹ்யான் (54), மூன்று நாள் பயணமாக புதன்கிழமை (பிப்.10) இந்தியா வர உள்ளார்.

 அமைச்சர்கள், பொருளாதார நிபுணர்கள், தொழிலதிபர்கள் உள்ளிட்டோருடன் இந்தியா வரும் ஷேக் முகமது, பிரதமர் நரேந்திர மோடியை சந்தித்துப் பேச உள்ளார்.

 இதுகுறித்து அபுதாபி செய்தி நிறுவனம் ஒன்று சனிக்கிழமை வெளியிட்ட செய்தியில், "இந்தப் பயணத்தின்போது, பிராந்திய, சர்வதேச அளவில் நிலவும் பிரச்னைகள் குறித்து விவாதித்து இரு நாடுகளுக்கு இடையே உள்ள ஒத்துழைப்பை பலப்படுத்துவது தொடர்பாக இளவரசர் ஷேக் முகமது ஆலோசனை மேற்கொள்வார்' என்று தெரிவிக்கப்பட்டுள்ளது.

 பிரதமர் நரேந்திர மோடி கடந்த ஆண்டு ஆக்ஸ்ட் மாதம் ஐக்கிய அரபு அமீரகத்துக்கு பயணம் மேற்கொண்டார் என்பது குறிப்பிடத்தக்கது.

பீகாரில் வினோத சம்பவம்:அடிபம்பில் குளித்ததால் தலைமுடியை இழந்த முகமது ஹஸிம் குடும்பம்.!


பீகார் மாநிலத்தில் ஒரு கிராமத்தை சேர்ந்த குடும்பத்தினர் வீட்டின் அருகே அடிபம்பில் இருந்த தண்ணீரை எடுத்து குளித்ததால் தங்கள் தலைமுடியை இழந்துள்ளனர்.

பீகார் மாநிலம் மதுபானி மாவட்டம் அருகே உள்ள கிராமத்தில் முகமது ஹஸிம், அவரது மனைவி மற்றும் இரண்டு குழந்தைகள் வசித்து வருகின்றனர். அவர்கள் அனைவரும் வழக்கம் போல் தங்களது தெருவில் உள்ள ஒரு அடிபம்பில் தண்ணீர் எடுத்து வந்து குளித்தனர்.

குளித்த சில மணி நேரத்தில் தலையில் பெரும் அரிப்பு ஏற்பட்டது. அதனை தொடர்ந்து முடிகள் கொத்து கொத்தாக கொட்ட துவங்கியது. வீட்டில் உள்ள 2 பெண்கள் சிறுவன் உட்பட 4 பேரின் தலைகளில் இருந்து முடி கொட்டி முழுவதும் மொட்டை அடித்தது போல மாறிவிட்டது.

இது குறித்து மருத்துவரிடம் காண்பிக்கப்பட்டது. இந்த தகவல் உடனடியாக சுகாதாரத்துறைக்கு தெரிவிக்கப்பட்டது. தகவல் அறிந்த சுகாதாரத்துறை அதிகாரிகள் சம்பவ இடத்திற்கு சென்று ஆய்வு செய்து விசாரணை நடத்தி வருகின்ற்னர்.

அடிபம்பு உடனடியாக சீல் வைக்கப்பட்டது. இந்த அடிபம்பில் இருந்து கிராம மக்கள் யாரும் தண்ணீர் எடுக்க வேண்டும் என்று கிராம பஞ்சாயத்தார் உத்தரவிட்டுள்ளனர்.

பாதிக்கப்பட்ட குடும்பத்தினருக்கு ஒரு அடிபம்பு போட்டு கொடுக்க மாவட்ட பஞ்சாயத்து நிர்வாகம் அதிரடி உத்தரவிட்டுள்ளது.

உலகமே அலறித் துடிக்கும் வேளையில் ஸிகா வைரஸுக்கு தடுப்பு மருந்து கண்டுபிடித்த தமிழர்.!


உலகில் முதன்முறையாக ‘ஸிகா’ வைரசுக்கு தடுப்பு மருந்து இந்தியாவில் கண்டுபிடிக்கப்பட்டுள்ளது என்று விஞ்ஞானிகள் தெரிவித்து உள்ளனர்.

இப்போது தென் அமெரிக்கா, மத்திய அமெரிக்காவை சேர்ந்த 23 நாடுகளில் ஸிகா வைரஸ், கால் பதித்துள்ளது. கர்ப்பம் தரித்த பெண்களை ஸிகா வைரஸ் தாக்கினால், பிறக்கக்கூடிய குழந்தைகள் பிறவிக்குறைபாடுகளை கொண்டிருக்கும். 

குறிப்பாக தலை சிறியதாக இருக்கும், மூளை பகுதியில் பாதிப்பு இருக்கும். பிரேசில் நாட்டில் மட்டும் இப்படி 4,074 குழந்தைகள் சிறிய தலைகளுடன் பிறந்துள்ளதால், அங்கு பெண்கள் கர்ப்பம் அடைய வேண்டாம் என இப்போது அறிவுறுத்தப்பட்டுள்ளது.

தெற்கு அமெரிக்காவின் கொலம்பியா பகுதியில் மட்டும் 25 ஆயிரத்துக்கும் அதிகமான மக்கள் ஸிகா வைரஸ் தாக்கத்துக்கு உள்ளாகியுள்ளனர். 

இவர்களில் 3177 பேர் கர்ப்பிணிப் பெண்கள் என்பதால் அவர்களுக்கு பிறக்கும் குழந்தைகளில் எதிர்காலம் கேள்விக்குறியாக உள்ளது. இங்கு மட்டும் மேலும் 6 லட்சம் பேர் ஸிகா பாதிப்புக்கு உள்ளாகக்கூடும் என அஞ்சப்படுகிறது.

சுமார் 40 லட்சம்பேரை ஸிகா வைரஸ் தாக்கும் ஆபத்து உள்ளதாக உலக சுகாதார நிறுவனம் எச்சரித்துள்ளது. இந்த வைரஸ் தாக்கினால் அதற்கு சிகிச்சையும் இல்லை. வராமல் தடுப்பதற்கு தடுப்பூசியும் இல்லை என்பதால் உலக நாடுகள் அலறுகின்றன.

உலக சுகாதார நிலையம் சர்வதேச அவசரநிலையை பிரகடனம் செய்து உள்ளது. ஒருபுறம் உலக நாடுகள் தடுப்பு மருந்துக்கான தேடுதலில் தீவிரம் காட்டி வருகின்றன. மற்ற உலக நிறுவனங்கள் ஸிகா வைரஸ் தடுப்புக்கான மருந்தை கண்டுபிடிக்க ஆராய்ச்சியில் களம் இறங்கியுள்ளனர்.

இந்நிலையில், ஸிகா வைரசுக்கு தடுப்பு மருந்து இந்தியாவில் கண்டுபிடிக்கப்பட்டு உள்ளது என்று ஐதராபாத்தில் உள்ள பாரத் பயோடெக் சர்வதேச லிமிடெட் ஆய்வக விஞ்ஞானிகள் தெரிவித்து உள்ளனர்.

 ‘மேக் இன் இந்தியா’ திட்டத்தின் மிகவும் முக்கியம் வாய்ந்த நடவடிக்கையாக ஐதராபாத் ஆய்வு விஞ்ஞானிகள் உலகில் முதன்முறையாக ஸிகா வைரசுக்கு எதிராக இரண்டு விதமான தடுப்பு மருந்துகளை கண்டுபிடித்துள்ளதாக குறிப்பிட்டுள்ளனர்.

பாரத் பயோடெக் இன்டர்நேஷனல் லிமிடெட் நிறுவனத்தின் தலைவரான டாக்டர் கிருஷ்ணா எல்லா இதுதொடர்பாக பத்திரிகையாளர்களிடையே பேசுகையில், “உலகில் முதலாவதாக ஸிகா வைரசுக்கு எதிரான தடுப்பு மருந்து கண்டுபிடித்த நிறுவனம் நாமாக இருக்கலாம், சுமார் ஒன்பது மாதங்களுக்கு முன்பே மருந்தை பாதிக்கப்பட்ட நபருக்கு செலுத்த அனுமதி கோரப்பட்டுள்ளது,” என்று கூறியுள்ளார்.

உலகில் ஸிகா வைரஸ் நோய்த்தொற்று தோன்றுவதற்கு முன்னதாக கடந்த ஆண்டிலேயே அதிகாரப்பூர்வமாக ‘ஸிகா’ வைரஸ் மாதிரியை இறக்குமதி செய்து இரண்டு விதமான தடுப்பு மருந்துகளை தயாரித்துள்ளோம். இந்த மருந்தை விலங்குகள் மற்றும் மனிதர்களிடம் அளித்து பரிசோதிக்க இந்திய அரசின் ஆதரவை நாடியுள்ளோம். இந்திய மருத்துவ ஆராய்ச்சி கவுன்சிலும் உதவிசெய்ய முன்வந்துள்ளது என்றும் அவர் தெரிவித்துள்ளார்.

இந்த கண்டுபிடிப்பு தொடர்பாக, இந்திய மருத்துவ ஆராய்ச்சி கவுன்சில் இயக்குநர் டாக்டர் சவுமியா சுவாமிநாதன் கூறுகையில், பாரத் பயோடெக் ‘ஸிகா’ வைரஸ் தடுப்பு மருந்து கண்டுபிடித்து உள்ளதாக எங்களுக்கு தகவல் தெரிவிக்கப்பட்டு உள்ளது.

இதனை நாங்கள் அறிவியலாளர்கள் கருத்தின்படி ஆய்வுசெய்ய வேண்டும், ஆய்வை மேலும் முன்நோக்கி எடுத்துசெல்லும் சாத்தியத்தை பார்க்கவேண்டும். இது ‘மேக் இன் இந்தியா’ தயாரிப்புக்கு ஒருநல்ல உதாரணம் என்று குறிப்பிட்டுள்ளார்.

இந்தியாவில் இதுவரை ‘ஸிகா’ வைரஸ் தாக்கம் யாருக்கும் ஏற்படவில்லை. இந்நிலையில் இந்த புதிய தடுப்பு மருந்து உலக அளவில் பெரும் வரவேற்பை பெறும் என்பது குறிப்பிடத்தக்கது.

இதற்கிடையே, இந்த ஸிகா வைரஸ் நோய்க்கான தடுப்பு மருந்தை கண்டுபிடித்த விஞ்ஞானியான கிருஷ்ணா எல்லா என்பவர் தமிழ்நாட்டை சேர்ந்தவர் என தெரியவந்துள்ளது. நடுத்தர விவசாய குடும்பத்தை சேர்ந்த இவர் அமெரிக்காவில் உள்ள ஹவாய் பல்கலைக்கழகத்தில் மருந்தியல் பட்டம்பெற்று தாவர தடயவியலில் ஆராய்ச்சியில் முனைவர் பட்டம் பெற்றார். தெற்கு கரோலினாவில் உள்ள மருத்துவ பல்கலைக்கழகத்தில் உதவி பேராசிரியராக பணியாற்றி வந்துள்ளார்.

அப்போது, இவரை தனது தாய்நாடான இந்தியாவுக்கு திரும்பிவந்து ஏதாவது நோய்க்கு தடுப்பு மருந்து கண்டுபிடிக்கும் ஆராய்ச்சியில் ஈடுபடுமாறு கிருஷ்ணாவின் தாயார் கேட்டுக் கொண்டுள்ளார். இதற்கு எளிதில் சம்மதிக்காத கிருஷ்ணாவிடம் அவரது தாய் என்ன கூறினார் தெரியுமா..?

மகனே, உன் வயிற்றின் அளவு வெறும் ஒன்பது அங்குலம்தான். நீ எவ்வளவுதான் பணம் சம்பாதித்தாலும், அதற்குமேல் உன்னால் சாப்பிட முடியாது. நீ நம் நாட்டுக்கு திரும்பிவந்து என்ன வேண்டுமானாலும் செய். என் இறுதி மூச்சுள்ளவரை உன்னை பட்டினியாக கிடக்க விடாமல் உனக்கு சாப்பாடு கிடைக்க நான் வழி செய்கிறேன் என கூறிய கிருஷ்ணா எல்லாவின் தாயார் அவரது மனதை மாற்றினார்.

பின்னர், ஒருவித வைராக்கியத்துடன் அமெரிக்காவில் இருந்து இந்தியாவுக்கு திரும்பிய இவர், ஐதராபாத்தில் பாரத் பயோடெக் என்ற நிறுவனத்தை தொடங்கினார். ஆரம்பத்தில் பொருளாதார முதலீடு உள்ளிட்ட பல்வேறு சவால்களை வெற்றிகரமாக எதிர்கொண்ட கிருஷ்ணா எல்லா, இன்று 10 கோடி அமெரிக்க டாலர் பெறுமானமுள்ள பாரத் பயோடெக் இன்டர்நேஷனல் நிர்வாகத்தின் தலைவராக சப்தமில்லாமல் பல சாதனைகளை செய்து வருகிறார்.

புதிய நோய்கள் உருவாவதற்கு முன்னரே அவற்றுக்கான தடுப்பு மருந்துகளை கண்டுபிடிக்கும் ஆராய்ச்சியில் அதிக முதலீட்டை செலவிட்டுவரும் கிருஷ்ணா எல்லாவின் தீவிர முயற்சியின் விளைவாக உலகிலேயே மிக குறைந்த விலையில் ஹெபிடைட்டிஸ் பி வைரஸுக்கு எதிரான தடுப்பு மருந்தை இவரது நிறுவனம் கண்டுபிடித்தது.

போலியோ எனப்படும் இளம்பிள்ளை வாதத்தை தடுக்கும் சொட்டு மருந்து, ரோட்டா என்ற வைரஸால் ஏற்படும் வயிற்றுப்போக்கு நோய்க்கு எதிரான தடுப்பு மருந்து ஜப்பானிய என்செபாலிட்டிஸ் எனப்படும் கொசுவால் பரவும் வைரஸ் நோய்க்கு எதிரான தடுப்பு மருந்தையும் இவரது தலைமையிலான ஆராய்ச்சியாளர்கள் கண்டுபிடித்துள்ளனர். இதுவரை நாடு முழுவதும் 3.5 பில்லியன் யூனிட் போலியோ சொட்டு மருந்தை இந்த நிறுவனம் அனுப்பி வைத்துள்ளது.

உலகையே அச்சுறுத்திய சிக்கன் குன்யா நோய்க்கு காரணமான வைரஸ் கிருமி எது? என்பதை இவரது ஆய்வகம்தான் முதன்முதலாக கண்டுபிடித்தது.

தற்போது, ஸிகா நோய்க்கு எதிரான இரண்டுவகை தடுப்பு மருந்தை கண்டுபிடித்து, ‘மேக் இன் இந்தியா’ என்ற லேபிளுடன் உலக நாடுகளுக்கு அனுப்பவுள்ள கிருஷ்ணா எல்லாவின் சாதனை முயற்சியில் அவர் வெற்றிபெற வாழ்த்த வேண்டியது, தமிழர்கள் என்ற வகையில் நம் ஒவ்வொருவரின் கடமையுமாகும்!

பெண்களுக்குள் இரண்டு இதயம் ..


அமெரிக்காவில் பல்கலைக்கழக பேராசிரியர் ஒருவர் இஸ்லாத்திற்கு எதிரான மனநிலை கொண்டவர்.

குர்ஆனுக்கு எதிராக ஓர் சவாலை முன்வைத்தார்.

“குர்ஆன் துல்லியமான நூல் இல்லை. 33:4வது வசனம் ‘எந்த ஆண்களுக்கும் இரண்டு இதயங்களை வைக்கவில்லை’ என்று சொல்கிறது. ஏன் பெண்களையும் குறிப்பிடவில்லை? பெண்ணிற்கு என்ன இரண்டு இதயங்களா இருக்கு?” என்றார்.

முஸ்லிம் மாணவர் ஒருவர் எழுந்து, “இல்ல சார், குர்ஆன் மிகவும் துல்லியமானது. பெண்களுக்குள் இரண்டு இதயம் இருக்க முடியும். அவள் கர்ப்பிணியாய் இருக்கும்போது”.

பேராசிரியரால் பதில் பேச இயலவில்லை…?

நன்றி சேக் அப்துல் காதர்..